Combien sont-ils

vu — 3

RODOMONTADES

avec luv Ferdinand son frère, roy des Romains, lequel portoit ses cheveux longs et grands en fenestre, comme l’on disoit à l’antique, à mode de son ayeul Ferdinand', il y eut un soldat qui en eust despit, et s’escriant il dist : Sacra Magcstad, te duy mis pages, y hagas esquillar al hermano luyo don Hernandes. « Sacrée Majesté, je vous donne toutes mes payes que me devez et faites tondre la teste à vostre frère Ferdinand. » Il falloit bien dire que ce soldat estoit bien haut à la main, de ne souffrir une chose qui ne luy touchoit en rien. L’empereur l’ouyt, et ne s’en fit que rire avecques son frère.

Un autre fit bien pis à ceste fois mesmes; car, ainsi que l’empereur passoit par les batailles et faisoit reveue, il se mit à crier : Vaiate al diablo , bocina féal que tan tarde seys çenido, que lodo el dia somos muerlos d' hambre y frio. « Au diable soyezvous, laide bouche, que vous êtes venu si tard, car nous sommes mortz de froid et de fain. » L’empereur l ouyt aussi; mais il n’en fit que rire, sans en vouloir tirer punition, pensant grandement faillir, non seullement en celluy là, mais en autres, s’ilz eussent délinqué; car il aymoit et chérissoit scs soldatz espaignolz comme ses enfans.

Une plaisante rodomontade fut d’un hydalguo espagnol, lequel, ayant fait un jour une demande au roy Ferdinand dans sa salle, et le roy demeurant assez, et songeant pour luy faire responce, il luy dist : Sacra Mages lad, hagami por Bios ropuesta ; sino alla baxo esta mi macho. « Sacrée Magesté, pour