Rebec, espèce de violon

DES DAMES

vielesse dedans sa chambre il estoit mort, et en eussent faict de mesmes comme ils firent despuis à son secrétaire David', lequel, d’autant qu’il estoit d’esprit, la reyne l’aymoit pour le maniement de ses affaires : mais on le luv tua dedans sa salle, si près d’elle que le sang luy en rejalist sur sa robbe, et luy tumba mort à ses pieds.

Quelle indignité! Ils luy en ont bien faict d’autres; dont ne se faut estonner s’ils ont parlé mal d’elle. Ce tour faict à son aumosnier, elle en vint si triste et faschée qu’elle dicl : « Voilà un beau commance- « ment d’obéissance et de recueil * de mes subjects ! « Je ne sçay quelle en sera la fin; mais je la prévois « très-mauvaise. » Àinsy que la pauvre princesse en cela s’est monstrée despuis une seconde Cassandre en prophétie, comme elle estoit en beauté.

Estant là, elle vesquit environ trois ans fort sagement en sa viduité ; et y eust persisté, n’aiant nulment envie de violer les mânes de son mary; mais les Estatz de son royaume la priarent et la sollicitarent de se remarier, affîn qu’elle leur peut laisser quelque beau roy enfanté d’elle, comme est cestuy-cy d’aujourd’huy.

Il y en a qui ont dit qu’aux premières guerres le roy de Navarre la voulust espouser, en répudiant la reyne sa femme à cause de la religion ; mais elle n’y voulut consentir, disant qu’elle avoit une âme, et qu’elle ne la vouloit perdre pour toutes les grandeurs

1. David Ri/zio, assassiné le 9 mars 1866. Voyez de Tliou, liv. XL, et Lingard, règne d'Elisabeth, ch. n.