Il y a enluminer dans la relation. — 3. Martyre , p

LA REYNE D ESCOSSE

à oster son voyle noir, sa coiffure et ses autres ornemens; et ainsy que le bourreau y vouloit toucher, elle luy dict : « Ha! monamy, ne me touche point. » [Toutesfois, elle ne peut engarder qu’il n’y touchast; car après qu’on eut abbaissé sa robbe jusques à la ceinture, ce villain la tira par le bras assez lourdement, et luy osta son pourpoint. Son corps de cotte avoit le collet bas, île manière que son col et sa belle gorge, plus blanche qu’albastre, paroissoient nuds et découverts. Elle-mesme s’accommoda le plus dilligemment qu’elle pouvoit, disant qu’elle n’estoit pas accoustumée de se despouillcr devant le monde, ny en si grand’ compagnie (on dict qu’il y pouvoit bien avoir quatre à cinq cens personnes), ne se servir de tels vallets de chambre.]

[Le bourreau se mist à genoux et luy demanda pardon, à quoy elle dict qu’elle luy pardonnoit, et à tous ceux qui estoient autheurs de sa mort, d’aussi bon cœur qu’elle désiroit ses péchez luy estre pardonnez de Dieu '.]

Puis elle dict à sa femme à qui elle avoit donné auparavant le mouchoir, qu’elle luy portast ledict mouchouer.

[Elle portoit une croix d’or, où il y avoit du bois de la vraye croix ’ avec l’image de Nostre-Seigneur, qu’elle vouloit bailler à l’une de ses damoiselles; mais le bourreau l’en empescha, nonobstant que Sa Majesté l’eust prié de ce faire, luy pro-