Balandi (Vallès

Discours sur les Duels. 31

le jeu, et pour se reposer. Cependant le prince (par la permission du vainqueur) fist jetter hors du camp le jeune homme Bertinello, et commande le faire penser. Ludovico Martelly combattit Juan Bombin, lequel il mit à tel point Qu'il luy tint les propos que j'ay dict de se rendre : mais Bombin laisant sa response précédante, fust vaincu, et pourtant gracieusement traicté de son victorieux, sans le faire passer soubs les loix rigoureuses des Lombards, pour ces duels. Ce combat fust beau et galland, et qui le voudra considérer sur aucunes particularitez n'en fera pas mal son profit.

Lorsque M. de Nemours, Gaston de Foys, lieutenant de roy en Italie, estoit à Ferrare *, il y eust deux braves et gallants capitaines espaignols, lesquels par le grand renom de la valleur, grandeur et gentillesse, prudhommie et vertu qu'ils avoient senty de ce brave prince, ayans une grande querelle ensemble, s'advisarént et s'accordarent de luy demander le camp, ce qu'il leur accorda fort librement et courtoisement pour le grand honneur qui luy en redondoit ; l'ayant préféré aux Espaignols à luy grands adversaires , et à force potentats d Italie, voire à leur roy Ferdinant. Le jour estant assigné, les deux combattants ne faillirent à y comparoir avec leurs parens et amis, parrains, confidans, et toutes solemnitez faictes. Madame la duchesse de Ferrare'