I . André de Montalembert, seigneur d'Essé

126 Livre II, Chapitre II.

porter secours, avec force gallans et honnestes gentilshommes de la cour et de France, y avoit le sieur ded'Ussac, dict autrement Jurignat, et le capitaine Hautefort, tous deux gentilshommes de Pcrigord. Ils esmeurent dispute ensemble et querelle, pour Tamour d'une grand' dame qui estoit là, que je ne nommeray point. Ils s'assignarent et s'appellarent tous deux à l'Isle aux Chevaux, qui est devant le Petit Lict'. Ceux qui ont veu le lieu comme moy sçavent où c'est, où s'y estant faicts passer, se battirent tous deux tous seuls, si bien que le dict Jurignat demeura fort blessé; mais Hautefort ne le voulut parachever, ains luy permit de repasser l'eau, et de se faire penser, et estant guery, il rappella encore Hautefort jusques à "deux fois, et demeura encore blessé comme la première fois, et ledict Hautefort luy usa encore de la mesme courtoisie, jusqu'à ce que l'on les mit d'accord ; mais non pourtant qu ils fussent jamais amys. Quelle fortune d'espée et quel don de courtoisie ! Je croy que ledict Jurignat vit encore et Hautefort fut tué au voyage d'Allemaigne devant Yvojr, brave soldat et capitaine s'il en fust onc (j'en parle ailleurs), grand et inthime amy du feu capitaine feourdeilles mon frère :aussy disoit on d'eux qu'ils estoient de braves rodomonts de Piedmont, comme estoit Villemaigne et Thais.

Ledict capitaine Bourdeilles eut aussy en Piedmont une querelle contre le capitaine