Jean de Gramont, seigneur d'Andouins

i68 Livre II, Chapitre II.

favory du roy Henry, et qui mourut devant Landrecy) pour M. le viscomte de Gourdon, vaillant homme, et qui suivoit aussy feu M. d'Orléans avec M. de Cipiere. Mais quel appel fut ce? Seulement M. de Cipiere luy dict : « Monsieur d'Andoing, je viens de laisser « M. le viscomte de Gourdon, qui m'a dict et « prié de vous dire que si je vous trouvois, « qu'il s'en alloit ouyr la messeà Sainct Paul, « et que si vous y vouliez aller, que là ensem- « ble tous deux vous l'ouyriez, et de là vous « en irez pourmener jusques hors la porte de « Sainct Antoine. » Geste invention d'appel, encore qu'elle fust gentille et poinct guieres offançant le respect de la maison du roy, si fut elle fort trouvée mauvaise du roy; car enfin c'estoit un appel tousjours, veu les propos que les deux avoient eu le soir advant, et. fallut que M. de Cipiere s'absentast de la cour; mais, par la prière de feu M. d'Orléans, il luy fut pardonné^ car il l'aymoit fort ; aussy estoit il aymabie, car c'estoit un aussy brave et gentil cavalier, et le plus accomply en toutes choses qui fust à la cour il y a cent ans.

Du règne du roy François 11% feu M. des Bordes, duquel je parle ailleurs, brave et vaillant gentilhomme, nepveu du mareschal de Bouraillon, et qui mourut lieutenant du comte d'Eu en la bataille de Dreux, eut quelques parolles de picque contre feu M. d'Yvoy Genlis », qui mourut en prison en Flandres, y ayant esté pris en y menant des forces, lorsque le duc

1 . Jean de Hangest, seigneur d*lvoy, puis de Genlis, surnommé le jeune.

d'Albe tenoit Vallenciennes assiégée, et la reprit aussitost du costé de la citadelle qui tenoit pour luy ; j'en parle ailleurs. Cest Yvoy donc, brave et vaillant gentilhomme aussy, ayant esté appelle pour M. des Bordes par feu M. de Gersay, qui mourut devant le fort de Saincte Catherine à Rouen, le jour qu'on le recognut, en une fort belle escarmouche aux premières guerres*, ces deux gentilshommes donc, s'estant battus fort vaillamment près du parc^ à Sainct Germain en Laye, arriva qu'ils furent blessez tous deux fort ; mais des Bordes beaucoup plus, car il eut un jarret coupé, dont il demeura estropié et boitteux toute sa vie ; ce que fut grand dommage, car il estoit des gallans de la cour, et de fort belle et riche taille. Toute la cour en fut fort esmeue et contristée, tant des dames que des gentilshommes et seigneurs. Feu M. de Guyse le grand s'en escandalisa bien fort, comme grand maistre de la maison du roy, à qui touchoit d'en observer et faire garder les privilèges et authoritez fort estroictement de ladicte maison et hostel du roy ; et pour ce commanda aux capitaines des gardes et prevost de l'hostel de s'informer diligemment qui avoit esté celuy qui avoit apporté la parole d'appel ; et se trouva M. de Gersay qui en ayant senty le vent, s'estoit un peu eschappé à l'escart. Mais aussitost (parce qu'il estoit l'un des plus favoris du roy, avec Fontaine Guerin ', despuis tué à Sainct Malo,