I. A V appétit^ à cause de, à l'occasion de

Discours sur les Duels. 273

tout ensemble, et receust l'ordre et le cresme tout à coup. Son petit fils ' Charles V fust faict aussy chevallier de ce mesme ordre en l'aage d'un an et demy, disent les mesmes histoires de Flandres.

Les chevalliers de chevallerie doivent précéder tous autres, et le nom de chevallier a esté le premier entre tous les noms d'honneurs, et quelque titre gradué qui soit; tellement, que quant au nom de la religion, loix et observations d'icelles, toutes choses sont communes, et n'y a différence du plus grand au plus petit, d'autant que ceste religion les rend tous esgaux à bien faire, et faict aussy esgalle distribution du fruictdes œuvres, mesmes que les grands roys et princes souverains, quant au nom de chevallerie, ne sont rien davantage que simples chevalliers, et nul autre chevallier ne leur est inférieur, et aussy que ceste religion de chevallerie a estée dite pareillement religion d'honneur, et ceux oui en font profession sont dicts chevalliers a'honneur, pour autant Que les vertus estans les reigles que l'on doict observer en ceste religion de cnevallerie, nécessairement suivent l'honneur; comme ainsin soit que ces vertueuses opérations tirent par conséquent avec soy l'honneur en char triumphant. Et pour ce Marcellus, en mémoire de sa victoire, voulut bastir à Siracuse un temple joinct ensemblement à la Vertu et à l'Honneur; mais en estant empesché par le sacré collège des pontifes, il fust contraint