Et ses grands personnages qu^en d'autres pays

Opuscules. 71

promis que, tant qu'il vivroit, je luy quittois madicte moictié et ne luy demandois rien en son vivant. N'estois-je pas doncques, luy mort, tousjours sur mes pieds d'en repeter madicte moictié et m'opposer à la susdicte résignation et la demander, par le dire du conseil privé et selon l'edict et l'ordonnance du roy pour pareille chose ? D'autant que, le titulaire mort, le gentilhomme qui a sur sa pièce sa moictié ou sa part et pension, ne la perd nullement. Cela est très-seur ; voilà pourquoy on peut bien considérer la gratification que j'ay faicte en cela à mondict sieur de Bourdeille, sans l'avoir nullement inquietté sur cestedicte moictié, comme j'ay trouvé fort bien, par le conseil mesme du conseil privé.

Laquelle dicte evesché bien assemblée vaut fort bien quinze mille livres de revenu, comme je l'ay faict valoir cela, quand je la faisois mesnager par mes mains par lesquelles tout se passoit, comme l'ayant demandé et obtenu du roy et de la reine sa mère ; et en fis faire toutes les depesches, tant de Leurs Majestés que de Rome, à mes despens. Voilà doncques si * ledict sieur de Bourdeille debvoit avoir si grande obligation au sieur de Marouatte plus qu'à moy. Et quand ledict evesque eust faict de l'asne comme il estoit, je l'eusse bien faict tourner au baston et jouir de son evesché, en luy donnant quelque part comme j'avois faict d'autresfois, selon le brevet du roy que j'ay vers moy, et M. de Bourdeille mon frère ne