INSTRUCTION POUR LE JOUR DE S. CLAUDE
desormais, il la faudra porter basse, n’ouvrir les yeux que pour la necessité et non point pour le service de la curiosité. Les habits que nous leur mettons font assez entendre cela, mais particulierement le voile que nous leur mettons sur la teste, lequel leur monstre qu’elles ne se doivent plus servir de leurs sens, ny de leur puissance pour aucune chose de la terre, ains que, comme des filles mortes, elles ne vivent plus en elles, et que tout ce qui a vescu en elles jusqu'à present doit maintenant mourir.
Lors, nous leur preschons : Il faut que vous mouriez en vostre vie civile; car, comme nous avons jà (1) dit, vous n'aurez plus de reputation, l’on ne parlera plus de vous que comme d'une personne morte, aussi vous revest-on de cet habit noir pour vous en faire ressouvenir.
Mais, pourquoy ainsi mourir à toutes choses, et si particulierement à soy-mesme? Non, certes, pour autre subjet, simon affin que Jesus-Christ vive en vous. Hé quoy ! Jesus-Christ glorifié? Oh non ! pas pour encore, ce sera là-haut au ciel; mais, pour l'heure presente, ce doit estre Jesus crucifié ; car nous sommes au tems de la souffrance et de la condoleance, adjouste S. Paul, qui dit de luy-mesme : Je vis, mais ce n’est pas moy, mais mon Seigneur, non pas glorifié, ains mon Seigneur crucifié (Galat. 2).
Mais je m’estonne grandement comme on a le courage de venir se dedier au service de Dieu, puisque l’on ne promet point des consolations ny des delices, ains qu'il faut tousjours travailler et souffrir, tousjours se mortifier et s’humilier. Oh! sans doute il y a une vertu secrette qui opere en cecy; c'est la force des attraicts du Sainct-Esprit qui le fait ainsi, pour sa plus grande gloire; mais je considere qu'en l'Evangile d’aujourd'huy, qui est des talens que le Seigneur laisse à ses serviteurs, lorsqu'il alla faire son voyage, il en donna un, et puis trois, et puis apres cinq : c'est un grand talent que celuy de vivre chrestiennement et en l'observance des Commandemens de Dieu, mais celuy qui en a receu deux, c'est-à-dire, qui avec celuy-cy a receu celuy de vouloir pretendre à la perfection de la vie chrestienne, est desjà de beaucoup plus favorisé. Mais, à Dieu! que le bonheur est grand, de celuy qui a receu les trois talens auxquels sont encloses toutes les perfections chrestiennes! ce sont les trois principaux conseils de Nostre-Seigneur, l’obeyssance, la chasteté et la pauvreté, ce sont ces trois vœux effectuez qui nous unissent à Dieu; je dy effectuez et non pas seulement vouez. Par ces trois vœux, nous consacrons et donnons à Dieu tout ce que nous avons : par celuy
(4) Déjà.
de pauvreté, nous donnons nos biens et toutes les pretentions que nous avons d'en posseder; par celuy de chasteté, nous donnons nostre corps; et par celuy de l’obeyssance, nous donnons nostre ame avec toutes ses puissances. Amen.
