ARCHEVESQUE DE LYON

SUR LES CHANGEMENS QU’IL PENSOIT CONVENABLE DE FAIRE A LA CONGREGATION DE LA VISITATION.

(Année 1616.)

SUR les remarques qu'il a pleu à M£' l’archevesque de Lyon communiquer à l’evesque de Geneve, on le supplie tres-humblement d'aggreer ces petites remonstrances, lesquelles veues et considerées , 1l luy playra employer son authorité pour le choix qui luy est defferé, auquel ledit evesque acquiescera, non-seulement humblement et reveremment comme il doit, mais cordialement, gayement et en toute suavité.

La Congregalion de la Visitation fut simplement projettée et erigée pour Annecy, sans prevision qu'elle dust estre dilatée ailleurs, au moins hors du diocese de Geneve, et se contentat-on d’éstre asseuré qu'elle pouvoit sainctement et legitimement estre establie en la sorte qu’elle est.

Or, les moyens de cette asseurance furent divers. Premierement, on considera qu'en la province et ville de Mila il y en avoit quantité, toutes presque differentes les unes des autres, qui faysoient foy que ces erections estoient pleinement au pouvoir des evesques, d'autant plus que cette province-là est advouée la mieux disciplinée qui soit en Italie.

Secondement, on en fit parler à Sa Saincteté, laquelle tesmoigna de la treuver bonne, accorda des indulgences et benedictions, sur un sommaire escrit qui luy fut fait par le R. P. François de Beugey, commissaire de la Province de la mission des Peres Capucins, bien que le seigneur Obellusio ne voulust pas se despartir du formulaire ordinaire lorsqu'il fit dresser le bref desdites indulgences. Aussi, en l'affaire de M°*° Degouffiers, on