ARTICLE VIII

De la Recreation.

Les Sœurs allant au lieu de la recreation, demanderont à Nostre-Seigneur la grace de n’y rien dire ny faire qui ne soit à sa gloire. Estant entrées, la premiere parolle sera : Dieu soit beny, ce qu’elles observeront de dire pour premier salut, mesme au parloir. Puis qu’elles se rangent promptement, et prennent leurs ouvrages, lesquels elles doivent tousjours tenir au lieu de l'assemblée, ou si proche, qu’elles les puissent prendre commodement.

Qu’elles ne portent point aux recreations des contenances tristes et chagrines, ains un visage gracieux et affable; et qu'elles s’entretiennent ainsi qu’il est porté par les Constitutions. Et comme les Sœurs doivent avec simplicité et franchise se recreer par obeyssance, aussi doivent-elles par devotion s’affectionner à parler souvent des choses bonnes.

Si quelqu’une estoit subjette à parler d’elle-mesme, à faire des esclats de rire, parler trop haut, et faire telles autres immodesties, qu'elle fasse en entrant un petit regard sur cette imperfection, et se resolve d’estre sur ses gardes, affin de n’y pas tomber, invoquant pour cela la grace du Sainct-Esprit, et le secours de son bon Ange.

Qu’elles n’estiment pas que ce soit peu de vertu de faire la recreation comme il faut, et que partant elles n’y aillent pas par maniere d’acquist, et par coustume, ains avec preparation et devotion.

Une Sœur tour à tour advertira de la presence de Dieu, et par intervalle durant la recreation, et à la fin dira quelque bonne et saincle retenuë.

La derniere demy-heure de celle du soir sera employée à la lecture de l’Epistre et de l'Evangile du lendemain, si c’est Feste, ou qu'il en eschée de propre selon le tems, ou de quelque poinct pour la Communion, ou de devotion, ou à s’entretenir et conferer de quelques bons subjets, ainsi que la Superieure advisera.

À la fin, elles penseront à ce dont elles auront besoin, tant pour leurs ouvrages que pour leurs charges, affin de le demander.

Les officieres marqueront aux Sœurs l'heure commode de leur

Fe IE

donner ce qu’elles auront besoin, laquelle elles observeront fidellement.

Celles qui auront beaucoup de choses à faire venir de la ville, elles l’escriront en un billet, qu’elles donneront à l'OEconome. L’Assistante advertira aussi de ce qu'on aura à faire pour l'Office, quand il y aura quelque chose d’extraordinaire.

AMIMECO LAN Du Silence.

Quanp on sonne l’obedience, que les Sœurs se levent promptement, et demeurent debout, avec un maintien humble et devot, attendant l’obedience, disant en elles-mesmes : Parlez, Seigneur, vostre servante vous escoute; Ô mon Dieu! rendezmoy digne d'accomplir vostre saincte volonté : et recevront en cette qualité tout ce qui leur sera enjoinet par la Superieure, sans respliques ny excuses, encore qu'elles eussent quelque autre chose à faire; mais si c’estoit chose pressée et necessaire, elles le diront par apres à la Superieure, et si elles sont novices, elles s’addresseront à leur Maistresse, qui en advertira la Superieure.

Sitost que l’obedience sera donnée, les Sœurs qui n’ont rien à demander se retireront en leurs cellules, ou autre lieu qui leur sera convenable, pour faire leurs ouvrages, et ce qui leur aura esté ordonné. Qu'en entrant, elles se mettent plus particulierement en la presence de Dieu, luy demandant la grace d’employer le silence, selon la fin pour laquelle il a esté si sainctement institué, qui est, non-seulement pour empescher le vain babil, mais aussi pour retrancher les pensées vagabondes et inutiles, s’entretenant avec l'Espoux, et pour prendre nouvelles | forces pour travailler sans cesse à son divin service.

Elles se pourront servir de l'Oraison du matin, regardant Nostre-Seigneur au mystere où elles l’ont medité, et s’arresteront sur quelques-uns des poincts qu’elles auront plus goustez. Par exemple, si elles ont medité le mystere de la Flagellation, et que le regard doux et amoureux que le benin Sauveur jettoit de fois à autre sur ceux qui le flagelloient ayt touché leurs cœurs, elles doivent se le representer souventesfois, faysant ensuite cest eslancement :

O doux Jesus! regardez-moy des yeux de vostre misericorde.

Une autre fois : Hé, Seigneur! ostez de moy tout ce qui peut desplayre à vos yeux.

Elles pourront aussi demeurer doucement aux pieds de Nostre-Seigneur, comme Magdelene, escoutant ce qu'il dira à leur cœur, regardant sa bonté et son amour, et luy parlant de tems en tems par ces eslancemens de cœur, et oraysons jaculatoires,

telles ou semblables :

O Dieu! vous estes mon Pa recevez-moy entre les bras de

vostre divine Providence.

Mon Dieu ! ayez pilyé de ma misere.

Hé! Seigneur! que je ne vive que pour vous.

Helas, mon Salut ! donnez-moy vostre amour.

Vous estes , à mon Dieu! toute mon esperance.

Jesus, soyez-moy Jesus.

Sauveur de mon ame, quand seray-je toute vostre? Recevez-moy, à bon Jesus! entre les bras de vostre Provi-

dence.

O mon Dieu ! faites de moy vostre divine volonté. Seigneur, que je ne vive point si je ne vis pour vous. O mon Roy! quand vous verray-je en vostre gloire? Seigneur, soyez propice à moy pauvre pecheresse. Hé, Dieu! quand vous aymeray-je parfaictement? Seigneur, donnez-moy un cœur humble et doux.

Mon Salut, et mon Amour.

Mon Dieu, vous estes mon tout. |

0 Jesus! vous estes les delices de mon cœur.

Hé! Seigneur ! que j’accomplisse toutes vos volontez. Par vostre bonté, gardez-moy de vous desplaire. Mon souverain Bien, je ne veux plus que vous.

A la Saincte Vierge.

Ma chere Maistresse, je vous salue, et vous revere de tout

mon cœur.

Mere de misericorde, priez pour moy.

Reine du ciel, je vous recommande mon ame.

Ma douce Mere, obtenez-moy l'amour de vostre Fils.

Ma chere Esperance aupres de Jesus.

Je me jette à vos pieds, doux Refuge des pecheurs.

. Faites-moy sentir vostre pouvoir envers la saincte Trinité, à glorieuse Vierge!

Au bon Ange.

Ange glorieux, qui m'avez en garde, priez pour moy.

Mon cher Gardien, donnez-moy vostre benediction.

Bien-heureux Esprit, deffendez-moy de l’ennemy.

Mon cher Protecteur, donnez-moy une grande fidellité à vos sainctes inspirations.

Elles en feront de mesme envers les Saincts el Sainetes auxquels elles auront une particuliere devotion, comme à sainct Joseph, sainct Augustin, sainct Jean-Baptiste, les princes de l'Eglise, sainct Pierre et sainct Paul, sainct Jean l’Evangeliste, patron des vierges; sainct Bernard, sainct François, saincte Anne, saincte Magdelene, les trois sainctes Catherines, et autres glorieux Saincts, dont on aura leu la vie à table.

Quand l'horloge sonnera, qu’elles souspirent les heures inutilement passées, qu’elles pensent qu'il faudra rendre compte de cette heure, et de tous les momens de leur vie;

Qu'elles approchent de l’eternité;

Que les heures sont des siecles aux mal-heureux damnez;

Que nous courons à la mort;

Que nostre derniere heure sonnera peut-estre bienlost.

Que les Sœurs fassent donc, ensuite de telles pensées, quelque devote aspiration, affin que Dieu leur soit propice à cette derniere heure. Ce qui arrivera infailliblement à celles qui se rendront tres-soigneuses de cet exercice, lequel elles doivent prattiquer en tout tems, et en toute occasion, par le moyen duquel elles croistront et proftteront tous les jours de vertu en vertu, jusques à la perfection de l'amour divin.

Celles qui seront travaillées de quelque tentation, ou passion, pourront s’encourager et fortifier par la consideration des travaux de Nostre-Seigneur, se le representant en iceux. Et quand elles auront des difficultez aux exercices des vertus, si elles le regardent en la prattique de celles qu’il a exercées tandis qu'il a esté en cette vie, elles seront instruittes et aydées.