FORCE DU SIGNE DE LA CROIX EN D'AUTRES OCCASIONS

La croix, pour deux raisons, a grande vigueur contre l'ennemy : l’une, d'autant qu'elle luy represente la mort du Sauveur, qui le dompta et subjugua, ce que la superbe obstinée haytet craint extremement; l’autre, parce que le signe de la croix est une courteet preignante {1)invocation du Redempteur. Eten cette derniere consideration il peut estre employé en toutes occasions où peut estre employée la priere et oraison ; or, quelle occasion peut-on penser où la priere ne soit utile, soit pour chasser les venins, rendre la veuë aux aveugles, guerir les maladies, estre garanty de ses ennemys? Tel est l’usage du sainct signe.

Certes, Porcherus, autheur non vulgaire, recite que S. Jean Evangeliste guerist un malade febricitant, faysant le signe de la croix, et invoquant le nom de Jesus, et que le mesme sainct signa du signe de la croix un boiteux des deux jambes, luy commandant de se lever, et tout soudain il se leva.

L'histoire de Cyrola, evesque arien, et de son aveugle, est illustre. Cyrola, voyant Eugene avec Vindemialis et Longinus, evesques catholiques, faire plusieurs miracles pour confirmation du party catholique, estima faire un grand coup pour sa secte, s’il pouvoit {ant faire qu'on creust qu’il avoit la mesme vertu; et

(1) Pressante.