LIVRE IV, CHAPITRE XI

Les honneurs donc qui visent à Jesus-Christ, comme à leur principe et fin finale seulement, ne se peuvent ny doivent nommer en aucune facon latrie; mais ceux qui se rapportent à Jesus- Christ, comme à leur objet, se peuvent et doivent appeler /atrie, mais relative et imparfaicte. Or l'honneur de la Vierge et des Saincts à pour son objet leur propre excellence qui se treuve reellement én leurs personnes : et partant il a son propre nom de dulie et hyperdulie, bien qu'il se rapporte par apres à Dieu, comme à sa fin et à son principe. L’honneur de la croix et autres appartenances de nostre Sauveur a pour son objet Nostre-Seigneur mesme , qu’il considere et recognoist en ces choses Insensibles, par la relation qu'elles ont à luy, si qu’on appelle raisonnablement cet honneur-là, latrie relative. Ainsi donne-t-on le pain au pauvre en aumosne, et au prestre en oblation : l’un et l’autre don vise et tend à Dieu, mais differemment; car l’aumosne vise à Dieu comme à sa fin, et a pour son objet le pauvre; l'oblation vise à Dieu, comme à son propre objet, quoy qu’elle soit receuë par le prestre.