APRES LA CONFESSION
$ [. — Du bonheur de l’absolution, et de la maniere de la recevoir.
Soyez attentif, et ouvrez les oreilles de vostre cœur, pour oüyr en esprit les parolles de vostre absolution, que le Sauveur mesme de vostre ame, assis sur le throsne de sa misericorde, prononcera là haut au ciel devant tous les anges et les saincts, en mesme tems qu’en son nom le prestre vous absout icy-bas en terre; de sorte que toute la trouppe des bien-heureux, se resjouyssant de vostre bonheur, chantera le cantique spirituel d’une allegresse nompareille, et tous donneront le bayser de paix et de societé à vostre cœur remis en grace et sanctifié.
O Dieu! que voilà un contract admirable, par lequel vous faites un heureux traitté avec sa divine Majesté, qui est qu’en vous donnant vous-mesme à elle, vous la gaignez à vous-mesme aussi pour la vie eternelle? Ce vous en est une marque authentique, en ce qu'allant de là à l’autel, il signe et scelle vostre absolution, et la promesse qu’il vous fait de son paradis, se mettant luy-mesme, par son divin Sacrement, comme un cachet el sceau.sacré sur vostre cœur renouvellé.
$ Il. — Des remedes et precautions qu’on doit apporter contre le peché.
En cette sorte, ce me semble, vostre ame sera purgée du pechc et de toutes les affections du peché. Mais d'autant que ces affections renaissent aysement, à raison de nostre infirmité et de nostre concupiscence, qui peut estre mortifiée, mais qui ne peut mourir pendant que nous vivons icy-bas, il faut affermir sa voye par une plus parfaicte purgation du peché et des occasions du peché; à cet effect, recevoir et faire usage des remedes et moyens
.que donnera le sage et prudent directeur, conformement au besoin, à l’estat et condition d’un chascun; et pour cela donc, il faut, pour une plus grande pureté, se purger des affections au peché veniel, de celles aux choses inutiles et dangereuses; et enfin des mauvaises inclinations, comme choses qui, de soy, nous conduisent au peché, et nous servent d'occasion d'y retomber.
) Extraits de l'Introduction , 1"° Partie, chap. 21 et suiv.
