HIT: I

J'advoue, avec la Cananée, que je ne merite pas le pain entier qui est preparé aux enfans, mais les petites miettes qui tombent de vostre saincte table, pour la nourriture et la gueryson de toutes les miseres de mon ame.

Mais qui suy-je, et qui estes-vous, Ô mon Dieu! qui venez à moy ? et d’où me vient ce bonheur, que vous ne refusiez point d'habiter dans mon ame pecheresse? Venez donc, à la bonne heure, à divin Espoux de mon ame! baysez-moy, puisque vous le voulez, du sacré bayser de vostre bouche, et suppleez par l’exces de vostre bonté à toutes mes indignitez et miseres. Que ce.soit le sacré gage de l’intime unyon et de la layson ee Le que vous voulez faire avec mon ame.

Pour le tems d'apres la communion.

Le tes le plus precieux, et qui doit estre le mieux mesnagé, est celuy d’apres la communion. C’est alors qu'il faut reveiller et reiterer les actes d’une vive foy, d’une profonde adoration et respect en la presence reelle de Nostre-Seigneur Jesus-Christ en nous ; c’est pour lors qu'il faut exciter et convier toutes les puissances de nostre ame à luy venir faire hommage, et, par mille sainctes affections, luy tesmoigner nostre recognoissance et amour, tantost par la crainte de le contrister et l'esloigner de nous, tantost par les tesmoignages de confiance, de joye, et de jubilation interieure d'amour, par la suavité et les gousts interieurs de sa divine presence, d'actions de graces, de resolutions de le servir, et protestations d’une inviolable fidellité.

Eslevalion.

C’est donc vous, mon Seigneur et mon Dieu ! qui vous treuvez present dans mon ame, comme je l’ay creu. Ah! je le ressens maintenant. C’est vous, 6 divin Jesus, qui estes le roy de gloire, et le Fils du Pere éternel, qui habitez au milieu de moy, sur mon cœur et dans ma poictrine. Hé! de grace, Seigneur, ne vous en séparez jamais, mais demeurez tousjours avec moy; Car, helas! il se fait tard, et l'heure de mon depart s'approche. Ah! je ne craindray pas tous les maux qui peuvent m'accueillir, puisque vous estes avec moy; au contraire, j'ay tout subjet de joye, et de croire que c’est maintenant que le Pere eternel m’aymera, puisque c'est son Fils bien-aymé qui habite en moy: C'est luy qui m'a fait cette joye, et quiconque l’entendra s’en resjouyra avec moy. Failes-le donc, anges bien-heureux! qui estes tousjours presens , et dans un profond respect, autour de ce divin sacre-

ment. C’est maintenant que je dy, avec la divine espouse, que mon bien-aymé est à moy, et que je suy toute sienne; car il repose sur mon cœur, et au milieu de ma poictrine. O Pere de misericorde ! parce que vous m'avez fait cette grace de me donner vostre propre Fils, je vous benyrai de benedictions immortelles, et multiplieray vos loüanges comme les estoiles du firmament. Il est trop juste, Seigneur, que vous soyez mon Dieu, et que je vous serve, puisque vous m'avez donné un pain si delicieux, pour ma nourriture ; et la pierre de mon cœur, cy-devant endurcie, sera vostre maison, et je vous beniray et loueray eternellement.:

Je n'ay rien dit du nettoyement de la conscience, qui se fait par la confession, parce que chascun sçayt qu'il le faut faire, ou le soir auparavant, ou le matin du lendemain, et tousjours avec soin et humilité.

Au reste, parce que le plus grand moyen de profiter en la vie spirituelle, c’est la devote confession, je vous la recommande. Prenez garde pourtant que ce ne soit jamais par maniere d'acquit, ou par coustume , mais tousjours pour glorifier Dieu, vous unyr à luy, et prendre force pour supporter les tentations et affictions, qui ne manqueront jamais en cette vie.