LIVRE Il, CHAPITRE XI

et preuves qu'ils ont faites : pourquoy ne priserons-nous toutes les croix, qui sont arbres de mesme espece et sorte, que celles qui firent jadis miracle? pourquoy ne les jugerons-nous de mesme qualité et proprieté, puisqu'elles sont de mesme forme et figure ? Si ce n’est pas à tout propos et indifferemment que la croix fait miracle, ce n’est pas qu'elle n’ayt autant de vertu en nos armées qu'en celle de Constantin; mais que nous n’avons pas tant de disposition qu'on avoit alors, ou que le souverain medecin, qui applique cet arbre salutaire, ne juge pas expedient de l'appliquer à tel effect. Mais c’est sans doubte qu'ayant tousjours une mesme forme de representer la passion, elle a tousjours aussi une mesme vigueur et force, autant qu'il est en soy.

Ainsi Constantin vid autour de la seule croix, qui lui apparut au ciel, ces mots : Surmonte par ce signe. Mais cela ne s’entendoit pas seulement de la croix particuliere qui estoit au ciel , mais encore des autres pareilles. Et de fait, au tems que Constantin combattoit, cette croix celeste n’estoit plus en estre; mais le labare, et autres croix façconnées sur icelle, differentes voirement quant à la matiere et individu, mais de mesme espece quant à la forme.

Au demeurant, quand le traitteur allegue les histoires des exorcistes, je ne scäy où il a l'esprit; car, puisqu'ainsi est, que de chasser les diables est une marque qui suit les croyans et l'Eglise, et que parmy les reformateurs il ne se void ny exorcisie, ny aucune guerison de demoniaques, il devroit desormais recognoistre où est la vraye Eglise. Or cela est hors de nostre subjet. Mais quant aux exorcismes « Du tant sainct et renommé docteur » Piccard, et autres sorbonistes, ou du moyne de S. Benoist » mené à Rome par le cardinal de Gondy, qui ne peurent sortir » leur effect, » ainsi que dit le traitteur, ce n’est pas grande merveille. L'oraison de S. Paul ne valut rien moins, pour n'avoir obtenu le bannissement de cet esprit charnel. L’oraison obtient les miracles, mais non pas tousjours, ny infailhiblement. Et ne faut pour cela mespriser sa vertu.

C'est grand cas que cet homme treuve estrange que nos exorcistes ne chassent pas tousjours les diables des corps, et ne voudroit pas qu'on treuvast estrange que les ministres n’en chasserent jamais un seul. Les Peres se sont contentez, pour preuver la vertu de la croix, de tesmoigner que les diables la craignent et en sont tourmentez, et cet homme veut qu'infailiblement elle les chasse. Et quoy! S2 le corps est lourmenté par le demon, affin que l'esprit du possedé soit sauvé (1. Cor. 5), (comme

parle l’Apostre) voudriez-vous que l’exorcisme ou la priere empeschast cet effect? Vous errez, n’entendant ny les Escritures, ny la vertu de Dieu (Marc. 12).

Cependant Piccard, que vous appellez saënct par mocquerie, l'estoit à bon escient, pour le zele qu’il avoit au service de Dieu : la Sorbonne vous desplaist tousjours ; aussi est-ce un arsenal infaillible contre vos academies. Et n’est pas vray que les croix de Rome soient plus sainctes que les autres, comme vous dites en gaussant ; car elles n’ont point d'autre qualité que celles des autres provinces, ny ne sont le siege de la saincteté plus que les autres. Leur saincteté, c’est le rapport qu’elles ont à Jesus-Christ, lequel elles representent, où qu'elles soient. Et ne sont point le siege du pape (duquel sans doute vous aviez envie de parler, à petit traitteur ! si un peu de honte de sortir ainsi hors de propos ne vous eust retenu pour ce coup), du pape, dis-je, lequel estant appellé saincteté, pour l'excellence de l'office qu'il a au service de Jesus-Christ en l'Eglise, se tient neantmoins pour bien honoré, d’honorer le seul signe de cette premiere, absoluë, et souveraine saincteté, qui est Jesus-Christ crucifié.