LA CROIX À TOUSJOURS ESTÉ DESIRÉE , ET DU TESMOIGNAGE D ARNOBE

LA vertu que les anciens ont remarquée en la croix, outre la chere et precieuse memoire de la passion, la leur a rendu extremement desirable, et comme parle S. Chrysostome : « De » celle que chacun avoit en horreur, on en cherche si ardem- » ment la figure : c’est une estrange grace, personne ne se » confond, personne ne se donne honte, pensant que ç’a esté » l'enseigne d’une mort maudite; au contraire, chacun s’en » tient pour mieux paré que par les couronnes, joyaux et car- » quans, et non-seulement elle n’est point fuye, mais est desirée » et aymée, et chacun est soigneux d’icelle, et par tout elle » resplendit. »

Adjoustez icy les exhortations que l’ancien Origene, et S. Ephrem, avec plusieurs autres, font pour recommander l’usage de la croix. « Et partant, dit le premier, levons joyeux ce signe » sur nos espaules, portons ces estendarts de victoires; les » diables les voyant trembleront. Peignons, dit le second, ce » signe vivifique en nos portes : fichons et gravons, dit S. Chry-