CCCI-IX

. François de Sa/ex, au cardinal Bandino.

Monseigneur Illustrissime, la lettre que Vostre Seigneurie Illustrissime a eu aggreabie de m'escrire du sixiesme may m'oblige de mettre la plume à la main, pour vous asseurer que le Chapitre gênerai des Pères Feuillans a esté tenu avec tant de paix, et un si unanime consentement des esprits et des voiontez de ceux qui y ont assisté, que ces braves religieux me sembloient plutost une assemblée d'anges que d'hommes mortels,

li n'a esté veu entre eux ny discorde, ny dispute, ny la moindre contradiction, mesmement à l'eslection du gênerai, qui a esté faite d'une approbation tres-generale, et par le concours quasi de tous les suffrages, comme certes il estoit Iresconvenable, puisqu'ils faysoient choix d'une personne dont le sçavoir est tres-eminent, la probité exquise et la prudence admirable, et duquel les travaux ont esté tres-heureu sèment et utilement employez pour la propagation de la saincte foy catholique, comme ses diverses traductions de quelques anciens Pères grecs, et quelques traittez qu'il a escrits contre les hérésies de ce tems, le démontrent visiblement; de sorte qu'il n'estoit point nécessaire que l'authorité apostolique intervinst en un Chapitre de telle qualité.

Et toulesTois, puisque le commandement de Sa Saincteté l'a ainsi ordonné, j'ay assisté à tous les actes capitulaires qui ont esté faits , et en rens compte à Vostre Seigneurie Illustrissime, vous supplyant de toute mon affection , que, comme vous avez tousjours honnoré de vostre faveur cette Congrégation, il vous

l'eyesque. 177

playse luy continuer la mesme bien-vueillance et la mesme protection, affin qu'elle aille tousjours persévérant et croissant en la saincte observance de la discipline religieuse.

Je bayse tres-humblement les mains de Vostre Seigneurie Illustrissime , et prie Dieu qu'il vous comble de ses plus sainctes félicitez, selon Festendue des désirs, Monseigneur, de vostre tres-humble, etc.

S. François de Sales, au cardinal Borghese.

Mesme subjet.

Turia, 21 juial622.

Monseigneur Illustrissime, comme j'estois ces jours passez à Pigneroles, pour assister à la célébration du Chapitre gênerai des Pères Feuillans, j'ay esté convié par Vostre Seigneurie Illustrissime, par vostre vicaire gênerai, et encore par Monseigneur le Nonce , qui est en ces quartiers , d'administrer le sacrement de Confirmation au peuple de ce lieu, de quoy je me suis acquitté pendant les deux jours consécutifs de dimanche qui se sont rencontrez au tems de la tenue du Chapitre. J'ay conféré les ordres mineurs à plusieurs, suivant le désir que Monsieur vostre vicaire gênerai m'a tesmoigné que vous aviez.

Quant au Chapitre gênerai qui y a esté célébré, je puis dire avec vérité que je n'ay jamais veu assemblée plus modeste, plus religieuse, ny où la paix reluysist avec plus d'esclat qu'en celle-là.

On y a fait Teslection d'un gênerai doué d'une doctrine eminente, d'une prudence rare, et d'une singulière pieté; et ceste eslection a esté faite quasi parle concours de tous les suffrages. Jem'asseure que Vostre Seigneurie Illustrissime aura pour chose fort aggreable de le voir favorablement quand il se rendra à Rome l'automne prochain , parce que c'est une personne de trèsgrand mérite, et qui a servi et servira à l'advenir la saincte Eglise par ses doctes escrits; et d'ailleurs parce qu'ayant esté créé gênerai au monastère de Vostre Seigneurie Illustrissime, il se promet et attend beaucoup de vostre proctection.

Je remercie tres-humblement Vostre Seigneurie Illustrissime de ce qu'elle a daigné me commander, et se servir de moy en ceste petite occasion; car c'est la plus grande gloire que je pouvois espérer. Je luy bayse tres-humblement les mains, et