POUR L*ASSOMPTION
soin de consoler et visiter les malades : il ne le fera pas sans s^empresser y ny mesme sans se troubler , s^il est empesché de le faire ; un autre qui aura grande affection à Torayson mentale , bien qu'il semble que cela ne regarde que Dieu , il ne laissera pas néanmoins de s'empresser, et d'estre troublé, si on l'en retire pour l'occuper à quelqu'autre chose.
Or dites-moy maintenant , si Marthe n'eust eu autre soin que de plaire à nostre Seigneur, se fust-elle tant empressée? 0 non certes , car un seul metz bien appresté su£Ssoit pour sa nourriture, veu mesme qu'il prenoit plus de plaisir qu'on l'escoutast , comme faysoit Marie : mais Marthe avec le dessein et le soin de pourvoir à ce qu'il falloit à nostre divin Maistre , avoit encore un peu de propre estime qui la poussoit à désirer qu'on vist la courtoisie et l'affabilité avec laquelle elle recevoit ceux qui luy faysoient l'honneur de la visiter, s'espanchant toute au service du traittement extérieur de nostre Seigneur , et la bonne fille pensoit par ce moyen estre une grande servante de Dieu , et s'estimoit estre quelque chose de plus que les autres ; et parcequ'elle aymoit grandement sa seur , elle desiroit qu'elle s'empressast comme elle pour servir son très-cher Maistre ; estimant que par ce moyen elle merîteroit davantage : lequel néanmoins prenoit bien plus de plaisir en l'exercice de Marie , dans le cœur de laquelle il distiloit des grâces incomparablement plus grandes que nous ne sçaurions dire, ny penser, par le moyen de ses divines paroUes ; et cecy correspond à la response qu'il fit à celte femme , laquelle voyant les merveilles qu'il operoit , toute transportée d'admiration, se prit à dire : Beatus venter qui te portavit, et ubera quœ stixisti^. Bienheureux est le ventre qui t'a porté , et les mammelles que tu as succées ! Il est vray , luy dit ce divin Sauveur , ô femme , ce que tu dis, que bienheureux est le ventre qui m'a porté, et les mammelles que j'ay succées; mais moy je te dy , que bienheureux sont
» s. Luc, XI.
226 4UTRE SERUOll
ceux qui escoutent la parolle de Dieu ^ et qai la gardent : Quin immo beati qui audiunt verbum Dei et cusiodiunt Ulud.
Or ces personnes qui s^affectionnent et s'empressent ainsi que faysoit sainte Marthe à faire quelque chose pour nostre Seigneur., pensent estre bien dévotes y et croyent que cet empressement soit un acte de vertu ; ce qui n'est pourtant pas y comme nostre Seigneur le fait entendre, disant : Porro unvm est necessarium , Une seule chose est nécessaire, qui est d'avoir Dieu , et le posséder. Si donc je ne cherche que luy , que me doit-il importer que Ton me fasse faire cecy ou cela? si je ne veux que sa volonté , que m'importera-t'il que Ton m'envoye en Espagne, ou en Irlande 7 Et si je neicherehe que sa croix , pourquoy me faschera-t'il que Ton m'envoya aux Indes parmy les infidelles , puisque je suis asseuré que je treuveray Dieu partout?
Enfinnostre glorieuse Maistresse fit excellemmentbien,non seulement l'office de Marie , mais encore l'office de Marthe, recevant avec une extresme affection et dévotion dans ses entrailles mesmes nostre Seigneur , et le servant avec tant de soin tout le tems de sa vie , qu'il n'y en a jamais eu de pareil.
Reste maintenant à voir, pour la seconde partie de ce discours , comme son Filz nostre Seigneur en contre-eschange la receut au ciel avec une affection nompareille, luy donnant un degré de gloire incomparable : en sorte que cette réception se fit avec une magnificence dautant plus grande au dessus de tous les Saints , que ses mentes surpassoient les leurs. Mais avant de dire comme elle fut receue au ciel, il nous faut dire comment elle mourut et de quelle mort.
L'histoire de son glorieux trespas dit que nostre Dame et tres-digne Maistresse , estant parvenue à Vasuge de soixantetrois ans^ selon la plus commune opinion des docteurs, elle mourut, ou plustost s'endormit du sommeil de la mort. H s'en
