LIVRE V, ODE III

Ne son lut, ne la congnoissance Des Muses, n'eurent la puissance De tromper l'envie qui suit Non pas une obscure personne, 275 Mais la fameuse qui foisonne [p. 139]

En trésors de vertueux bruit.

Que pleust à Dieu qu'à sa haultesse Fust égale ma petitesse.

Et mes vers à ses chants nerveux % 280 Par ta saincte grandeur je jure,

Que je corneroy ceste injure ^ Aux oreilles de noz Nepveux.

Mais quoy Madame, je n'ay faulte Sinon d'avoir ta faveur haulte, 285 Sinon d'estre avoué de toy,

Affin que nostre France estime Que quelquesfois ma basse rime Sceut contenter la Sœur d'un Roy.