Pennon, bannière de toile grise

Voulentiers portoit sur sa teste.

D'ung tel homme fault faire feste

Autant que d'ung million d'or.

Gens d'armes ! c'est ung grant trésor

S'il vault rions il ne fault pas dire.

J'ay fait raige avecques La Hire :

Je l'ay servy trestout mon aage.

Je fus gros vallet, et puis page,

Archier, et puis je pris la lance,

Et la vous portoye sur la panse,

Tousjours troussé comme une poche.

Et puis monseigneur de la Roche,

Que Dieu pardoint, me print pour paige.

J'estoye gent et beau de visaige,

Je chantoye et brouilloye des flustes,

Et si tiroye entre deux butes.

A brief parler, j'estoye ainsi

Mignon comme cest enfant-cy;

Je n'avoys pas gramment plus d'aage...

Or ça, ça, par où assauldray-j e

Ce cocq que j'ay ouy chanter?

A peu bssongner bien vaiitsr;

Il faut assailllir cest hostel.

Adonc apperçoit le Franc Archier un espoventail de

chenevière, faict en façon d'iing gendarme,

croix Hanche devant et croix noire

derrière, en sa main tenant

une arhale&te.

(A part.)

Ha ! le Sacrement de J'autel !

Je suis affoibly ! Qu'esse-cy?

ŒUVRES DE FRANÇOIS VILLON 2l8

(A l'espoventail.) Ha ! Monseigneur, pour Dieu, mercy !

Hault le trait, qu'aye la vie franche ! Je voy bien, à vostre croix blanche, Que nous sommes tout d'ung party.

(A part.)

D'ond, tous les diables ! est-il sorty. Tout seul et ainsi effroyé?

(A l'espoventail.)

Comment ! Estes-vous desvoyé?

Mettez jus, je gage l'amende.

Et, pour Dieu, mon amy, desbende Au hault ou au loing ton baston 1

Adonc il advise sa croix iwire

Par le sang bicu ! c'est ung Breton, Et je dy que je suis Françoys !...

Il est fait de toy, ceste fois, Pemeti; c'est ung parti contraire 1

(A l'espoventail.) Hen, Dieu ! et où voulee-vous traire?

Vous ne sçavez pas que vous faictes. Dea ! je suis Breton, si vous Testes.

Vive sainct Denis ou saiiict Yve !

Ne m'en chault qui, mais que je vive ! Par ma foi ! Monseigneur mon maistre, Se vous voulez sçavoir mon estrc, Ma mère fut née d'Anjou, Et mon père je ne sçay d'où,

t. Diminutif tle Pierre.

Sinon que j'ouy révéler Qu'il fut natif de Lantriquer^.

Comment sçauray-je vostre nom?

Monseigneur Rollant, ou Yvon, Mort seray quand il vous plaira !

(A part.)

Et comment ! il ne cessera Meshuy de me persécuter, Et si ne me veult escouter 1

(A l'espoventail.)

En l'honneur de la Passion

De Dieu, que j'aye confession,

Car je me sens jà fort malade !

Or, tenez, velà ma salade.

Qui n'est froissée ne couppée;

Je la vous rends, et mon espée,

Et faictes prier Dieu pour moy.

Je vous laisse, sur vostre foy,

Ung vœu que je doibs à sainct Jacques.

Pour le faire, prendrez mon Jacques,

Et ma ceinture et mon cornet.

(A part.) Tu meurs bien maulgré toy, Pemet, Voire maulgré toi et à force !

(Au public.)

Puis qu'endurer fault et à force.

Priez pour l'ame, s'il vous plaist.

Du Franc Archier de Baignolet,