L ACTEUR

Lors, le varlet, voyant cecy.

Fut content de ceste gaigeure, Et pensa en luy-mesme ainsi.

Qu'il attendroit ceste adventure; Et s'il chantoit bien d'adventure, Il lui diroit, pour tous desbats, Qu'D payast l'escot, bon alleure.

Car son chant ne lui plaisoit pas.

L'accord fut dit, l'accord fut faict.

Devant tous, non pas en arrière.

Lors le gallant tire, de faict, De dedens sa gibecière Une bourse, d'argent legière, Qui estoit pleine de mereaulx, Et chanta, par bonne manière, Haultement, ces mots tout nouveaulx :

De sa bourse dessus la table Frappa, a|fin que je le notte.

Et, comrne chose convenable, Chanta ainsi à haulte notte :

« Faut payer ton hoste, ton hoste ! » Tout au long chanta ce couplet.

Le varlet, estant coste à coste, Respondit : « Cela bien me plaist I »

Toutcsfoys, il n'entcndoit pas Qu'il ne fust de l'escot payé, Parquoy il failloit sur ce pas.

De son sens fut moult desvoyé.

Devant tous fut notifhé Qu'il estoit gentil compaignon, Et qu'il avoit, par son traicté, Bien disné pour une chanson.

C'est bien disné, quand on eschappe Sans desbourser pas ung denier, Et dire adieu au tavernier En torchant son nez à la nappe.