DU PELLETIER

Ung jour advint qu'ung Pelletier Espousa une belle femme Qui appeloit le bas mestier, En faisant recorder sa game.

Le Pelletier, sans penser blasme, Ne s'en soucioit qu'ung petit :

Mieulx aymoit du vin une dragme, Que coucher dedans ung beau lict.

Ung curé, voyant cest affaii'e.

De la femme fut amoureux.

Et pensa qu'à spn presby taire Il maineroit ce maistre gueux. Il s'en vint à luy tout joyeux, A celle fin de le tromper, En disant : « Mon voysin, je veux Vous donner ennuyt à soupper ».

Le Pelletier en fut content, Car il ne vouloyt que repaistre, Et alla tout incontinent Faire grant chère avec le prestre, Qui luy joua d'un tour de maistre, Disant : « Ma robbe est defïourrée; Il vous y convient la main mettre, AÊ&n qu'elle soit refïourée.

ŒUVRES DE FRANÇOIS VILLON 2yb

— Et bien, ce dist le Pelletier, Monseigneur, j'en suis bien content, Mais que vous m'en vueillez payer; Je suis tout vostre, seurement. »

Ils firent leur appoinctement Qu'il auroit, pour tout inventoire.

Dix solz tournois entièrement.

Et du vin largement pour boire.

Pourvu qu'il la despecheroit, Car il luy estoit nécessaire, Et que toute nuyt veilleroit, Avec son clerc, au presbytaire.

Il fut content de cest affaire.

Mais le Curé les enferma Soubs la clef, sans grant noyse faire.

Puis hors de la maison alla.

Le Curé vint en la maison Du Pelletier, par ses sornettes, Et trouva si bonne achoyson Qu'il fist très bien ses besongnettes.

Hz firent cent mille chosettes.

Car, ainsi comme il me semble, Il contenta ses amourettes, Et puis hors de la maison emble.

Ce fourreur, pour la repeue franche, Fut fait coqu bien fermement; Et luy chargea la dame blanche Qu'il y retournast hardiment.

Et que, par son sainct sacrement.

Jamais nul jour ne l'oubliera.

Mais luy fera hébergement, Toutes les foys qu'il luy plaira.

Et pourtant, donne soy bien garde Chascun qui aura belle femme Qu'on ne lui joue telle aubade Pour la repeue : c'est grand diffame; Quant il est sceu, ce n'est que blasrne Et reproche, au temps advenir.

Vêla des repeues la grant game; Pourtant, ayez-en souvenir 1