DE LA NAISSANCE DE N. S. J H ESUS-CH RIST^ DIT A NOËL

D*ou vient l'çsjouissance Qui mon cœur a surpris?

Je n'ay pas la puissance D'arrester mes esprits .

Je n'aurois pas appris

De me veoir tel ; De chanter suis espris :

Noël ! noël !

Est-ce que je devine S'approcher la saison Que la bonté divine Nous osta de prison, Ouand Dieu prist la maison

D'homme mortel ' ?

De chanter ay raison :

Noël! noël!

Fuyez, sollicitude^ Pensemens et ennuys !

Je ne veux aultre estude Que d'esbats et deduicts.

A tous soit ouvert l'huis

De mon hostel, Chantans toutes ces nuicts :

Noël ! noël !

O nuict, plus reluysante Que jour qui ayt esté !

Qui fustes produisante L'éternelle clairté, gui nous mist en esté

Perpétuel, A droict vous est chanté :

Noël ! noël !

Bien fustes attendue Des siècles paravant, Et à peine entendue Du peuple lors vivant.

Or le nostre ensuyvant

Continuel^, Dit, la voix eslevant :

Noël ! noël !

Les clairs signes célestes Furent vos messagiers.

Que veirent manifestes Trois sages estrangiers ; Et les anges legiers

Du Superncr Viendrent dire aux bergiers :

Noël ! noël !

Lors cessa tout oracle, Et n'eust plus de crédit.

Le royal habitacle De Juda se perdit.

C'estoit le temps prédit

De Daniel.

Bien faict mal qui n'en dict :

Noël ! noël !

Autre oracle, autre sceptre, Autre bien promettant ; Et autre est le grand prestre* Pour nous s'entremettant^ Aultre offrande mettant

Sur aultre autel, Pour qui allons chantant :

Noël ! noël !

Nuict donc pleine de joye, D'où tout bien est venu, Quelque part que je soye, Franc ou serf détenu.

De moy sera tenu

Très-solennel Ce sainct temps revenu.

Noël ! noël !

1. La maison d'homme mortel signifie le corps humain. E. P.-B.

2. Continuel est pris ici adverbialement, à la mode des Latins. e. p.-b.

3. Lq Supernel, le Dieu d'en haut. Encore un latinisme. E. P.-B.

4. Je croirojs volontiers qu'on prononçoit : scètre pour sceptre j car Melin a l'habitude de rimer assez régulièrement. p- b.