LIVRE IL l

Je prins alliance nouvelle A la plus gaye damoyselle , Qui soit d'icy en Italie.

D'honnestetë elle est saisie, Et croy (selon ma fantasie) Qu'il n'en est gueres de plus^ belle Dedans Paris.

Je ne la vous nommeray mye, Sinon , que c'est ma grand 'amye :

Car l'alliance se feit telle , Par un doulx baiser , que j'euz d'elle : Sans penser aucune infamie, Dedans Paris.

d'un qui se DEFFIOIT DE SA DAME.

Plus qu'en autre lieu de la ronde Mon cueur vole comme l'aronde Vers toy, en prières et dictz :

Mais si asprement l'escondis , Que noyer le fais en clair unde.

Dont ne puis croire, ou l'on me tonde, Que ton cueur à m'aymer se fonde , Quand tous biens m'y sont interdiclz Plus qu'en autre lieu.

l6o RONDEAUX.

Car il n'y a princesse au monde , Qui m'aymast d'amour si profonde , Comme celle que tu me dis , Qui ne m'ouvrist le paradis De jouyssance, ou grâce abonde Plus qu'en autre lieu.

~ d'un délaissé de s'amye.

1 0 U T à part soy est melancolieux Le tien servant qui s'esl.ongne des lieux Là ou l'on veult chanter, danser, et rire : Seul en sa chambre il va ses pleurs escrire , Et n'est possible à luy de faire mieulx.

Car quand il pleut et le soleil des cieulx Ne reluyt point , tout homme est soucieux : Et toute beste en son creux se retire Tout à part soy.

Or maintenant pleut larmes de ses yeulx, . Et tqy qui es son soleil gracieux , L'as délaissé en l'umbre de martyre:

Pour ces raisons , loing des autres se tire , Que son ennuy ne leur soit ennuyeux, Tout à part soy.