Poète royal, chez qui Ronsard demeuroit

Si la fausse nouvelle, ou l'advertissement

De quelque bien arrive à la cour faussement,

Tousjours s'addresse à moy, et la bonne nouvelle

Me fuit de tous costez, et jamais ne m'appelle;

Ou bien à tel destin (mon Prélat.) je suis né,

Ou bien là haut au ciel il est déterminé

Que tousjours le bon-heur fuira la poésie,

N ayant pour tout son bien qu'une lyre moisie,

Ou qu'un luth mal-en-ordre, incognu des seigneurs,

Sonnant par les rochers, sans biens et sans honneurs.

Et non tant seulement le malheur ne m'offence ; Je le suis d'autre part de la fausse espérance Bourrelle de la vie, et qui le genre humain Amuse d'une baye, et le repaist en vain.

Quiconques a produit l'Espérance féconde, Mère des vanitez, il a produit au monde La semence des maux (misérables bourreaux Qui de nuict et de jour tourmentent nos cerveaux). Ah ! mon Dieu, tu devois, pauvre sotte Pandore, La laisser envoler loin de ta boette encore (a) Au ciel ou en enfer, je ne m'en souci pas, Pourveu que son séjour ne fust point îcy bas.

Ceste meschante lice, au soir quand je me couche, Impatientement me dresse l'escarmouche, Et mille vanitez dans le cerveau me peint, Et ce qui n'est pas vray, vray-semblable me feint, Et deçà et delà m'agite et me tourmente Sous l'espoir incertain d'une menteuse attente. Quelquefois ceste fausse, en me flatant, me dit : « Te veux-tu défier, Ronsard, de ton crédit? [Ayant un cardinal de Chastillon pour maistrc, Qui sa grande bonté t'a tousjours faict cognoistre? Contemple je te pry du mesme cardinal

Pandore, tu devois loin de la terre basse Deffermer le couvercle à ta maudite tasse.

1 66 Les Poèmes.

Les humbles serviteurs qui prennent tant de mal A le suivre à la cour ; toutesfois à ceste heure Les uns ont rencontré la fortune meilleure, Les autres sont après, si bien qu'en peu de temps Leur maistre les fera tous riches et contens. Pense après d'autre part que ce grand connestable, Son oncle, est revenu pour estre favorable A ceux qui comme toy en la dure saison, Comme bons serviteurs, ont aimé sa maison. Pense qu'il n'y a Prince en France qui ne t'ayme, Cardinal ny seigneur; pense que le Roy mesme, Qui jeune t'a nourry selon ta qualité, Te veut plus avancer que tu n'as mérité.] »

Lors triste je respons à la vaine Espérance : « Du temps du Roy François, grand Monarque de France, Je pouvois espérer, lequel tousjours mettoit En reserve le bien pour qui le meritoit, Et sans le pourchasser venoit le bénéfice A celuy qui faisoit à la Muse service. Maintenant je ne suis ny veneur, ny maçon Pour acquérir du bien en si basse façon, Et si ay fait service autant à ma contrée Qu'une vile truelle à trois crosses tymbrée! (*) Mais maintenant fuy t'en; mal à gré je reçoy, Pour ainsi me tromper, un tel hoste que toy. »

Aucunefois (Prélat) il me prend une envie (Où jamais je ne fus) d'aller en Italie, Et par un long voyage effacer le soucy Et le mauvais destin qui me pipent icy ; Pauvre sot que je suis, qui pense qu'un voyage, Tant soit-il estranger, m arrache du courage Le soucy encharné, qui dans mon cœur vivroit. Et dessus mon cheval en crope me suivroit.

Je veux aucunefois abandonner ce monde, Et hazarder ma vie aux fortunes de l'onde,

i. Allusion aux trois abbayes dont jouissoit Philibert de Lorme, architecte du Louvre, que Ronsard n'aimoit point.