LES SEREINES

Représentées au canal du jardin de Monseigneur le Duc d’Orléans , à Fontaine-bleau.

La Première parle.

De l’immortel les roys sont les enfans,

Ils ont par luy les lauriers triomphans ,

Ils sont par luy reverez en la terre,

Ils ont de Dieu le portrait sur le front,

Dieu les inspire , et tout cela qu’ils font Vient du grand Dieu qui darde le tonnerre.

Or ce grand prince, à l’exemple de soy,

Fit pour miracle en France naistre un roy Dont la semence à nulle autre seconde Estoit parfaite, et, comme le Soleil Qui de clarté ne trouve son pareil ,

Vesquit sans pair, tant qu’il vesquit au monde.

Ce fut Henry (■), de tous biens accompli , D’une ame vive ayant le corps rempli,

Semblable aux dieux de façons et de gestes ;

Son esprit fut embelli de vertu,