J U PITER

Je suis des Dieux le Seigneur et le Pere, Tout Elément à mon Sceptre obtempère, Le cours du Ciel ma reigle va suivant; Dedans la nue armé de mon tonnerre,

Je fay trembler les ondes et la terre, Haut-eslevé sur les ailes du vent.

Bas à mes pieds les peuples je regarde ; Roys, Empereurs sont en ma sauvegarde,

Et par sur tous Charles que j’aime mieux. Entre nous deux, pour suprême avantage, Du Monde entier avons fait un partage ,

A luy la Terre et à moy tous les Cieux.

De ma maison, sans me le faire entendre, Mars et Amour ont bien osé descendre, Accompaignant trois Chevaliers de nom,

Qui estrangers sont abordez en France,

Pour le cognoistre et voir si sa puissance Estoit pareille au bruit de son renom.

Or je cognoy ce Prince magnanime,

Qui les combats plus que la vie estime;

Il leur voudra son bras faire sentir,

D’un brave cœur assaillant ces Gendarmes,

Et par l’effort de toutes sortes d’armes Leur attacher au front le repentir.

Pource je vien, le soustien de ce Prince, Sans endurer qu’en sa mesme Province ,

Des estrangers puisse estre combatu ;

Mascarades.

Pour son secours Pallas je luy ameine, Qui punira de vengeance soudaine Mars par la lance, Amour par la vertu.