LIVRE II, CHAPITRE XXI

Dieu ! sauvés-moy ^ Ayés miséricorde de moy, ayés-en miséricorde ; car mon ame se confie en vous ^ Sauvés-moy, Seigneur , car les eaux submergent mon ame ^ Faites-moy comme un de vos mercenaires \ Seigneur , soyés-moy propice, à moy pauvre pécheur^ » : ce n'est pas sans rayson que quelques-uns ont dit que Torayson justifioit; car Forayson repentante , ou la repentance suppliante , eslevant l'ame en Dieu et la reunissant à sa bonté, obtient sans doute le pardon en vertu du saint amour, qui luy donne le mouvement sacré. Et partant nous devons tous avoir force telles oraysons jaculatoires , faites par manière de repentance amoureuse et de souhaitz requerans nostre reconciliation avec Dieu, aiïin que par icelles, prononçans devant le Sauveur nostre tribulation, nous respandions nos âmes devant et dedans son cœur pitoyable, qui les recevra à mercy.