CHAPITRE XXII

Comment Panurge patrocine à l’ordre des fratres mendiants,

Issant de la chambre de Raminagrobis, Panurge, comme tout effrayé, dist : « Par la vertus Dieu, je croi

qu'il est hérétique, ou je me donne au diable. Il mesdict des bons pères mendiants cordeliers et jacobins, qui sont les deux hémisphères de la chrestienté, et par la gyrognomonique circumbilivagination desquels, comme par deux filipendules cœlivages, tout l'autonomatique matagrobolisme de l’ecclise romaine , quand elle se sent emburelucoquée d’aulcun baragouinage d'erreur ou d’hérésie, homocentricalement se trémousse. Mais que touts les diables lui ont faict les pauvres diables de capucins et minimes? Ne sont ils assez meshaignés, les pauvres diables? Ne sont ils assez enfumés, et parfumés de misère et calamité, les pauvres haires, extrails de ichthyophagie ? Est-il,

frère Jean, par ta foi, en estat de salvation ? Il s'en va,

par Dieu, damné comme une serpe à trente mille hottées de diables. Mesdire de ces bons et vaillants piliers d’ecclise? Appellez-vous cela fureur poétique? Je ne m'en peulx contenter : il pèche villainement, il blasphème contre la religion. J'en suis fort scandalizé. — Je, dist frère Jean , ne m'en soucie d'un bouton. Ils mesdisent de tout le monde : si tout le monde mesdict d’eulx, je n’y prétend nul intérest. Voyons ce qu'il a escript. »

Panurge leut attentivement l’escripture du bon vieillard , puis leur dist : « Il resve, le pauvre buveur. Je l'excuse toutesfois. Je croi qu'il est près de sa fin. Allons faire son épitaphe. Par la response quil nous donne je suis aussi sage, que onques puis ne fourneasmes-nous. Escoute ça, Épistemon, mon bedon. Ne l'estimes-tu pas bien résolu en ses responses? Il est, par Dieu, sophisie argut, ergoté et naïf. Je gage qu'il est marrabais. Ventre bœuf, comment il se donne garde

Paris, — Imp. Lacour ET C°, rue Soufflot, 10, 99

170 CHEFS-D'OŒUVRE EUROPÉENS.

de mesprendre en ses paroles! Il ne respond que par disjunctives. 11 ne peult ne dire vrai. Car à la vérité d’icelles saffist l’une partie estre vraie. O quel patelineux! Sainct lago de Bressure, en est-il encores de l'eraige? — Ainsi, respondit Epistemon, protestoit Tiresias le grand vaticinateur au commencement de toutes ses divinations, disant apertement à ceulx qui de lui prenoient advis : « Ce ne je dirai adviendra, ou n'adviendra poinet: » Et est le style des prudents prognostiqueurs.— Toutesfois, dist Panurge, Juno lui creva les deux yeulx. — Voire, respondist Epistemon,

par despit de ce qu'il avoit mieulx sententié qu'elle sus.

le doubie proposé par Jupiter. — Mais, dist Panurge, quel diable possède ce maistre Raminagrobis, qui ainsi, sans propos, sans raison, sans occasion, mesdict des pauvres béats pères jacobins, mineurs, et minimes. J'en suis grandement scandalizé, je vous affie, et ne m'en peulx taire, Il ha grièvement péché. Son asne{1) s’en va à trente mille panerées de diables. Je ne vous entend poinet, respondit Epistemon. Et me scandalizez vous-même grandement, interprétant perversement des fratres mendiants, ce que le bon poète disoit des bestes noires, faulves et aultres. Il ne l'entend, selon mon jugement, en telle sophistique et phantastique allégorie, Il parle absolument et proprement des pulces, punaises, cirons, mousches, culices, et aultres telles bestes : lesquelles sont unes noires, aultres faul-

ves, aultres cendrées, aullres tannées et basanées, . toutes importunes, tyranniques et molestes, non és-

malades seulement, mais aussi à gents sains et vigoureux. Par adventure ha il des ascarides, lumbriques, et vermes dedans le corps, Par adventure paslist-il, comme est en Egypte et lieux confins de la mer Erythrée chose Ve et usitée, és bras ou jambes, quelque poineture de draconeaulx grivolets, que les Arabes appellent vènes Meden (2). Vous faictes mal, aultrement exposant ses paroles. Et faictes tort au bon poète par détraction, et esdicts fratres par imputation de tel meshaing. Il faut tousjours de son proësme interpréter toutes choses à bien. — Apprenez-moi, dist Panurge, à cognoistre mousches en laict. Il est, par la vertus bœuf, hérétique. Je di hérétique formé, hérétique clavelé, hérétique bruslable comme une belle petite horologe (3).Son asne s’en va à trente mille charretées de diables. Scavez-vous où ? Cor bieu, mon ami, droict dessous la selle percée de Proserpine, dedans le propre bassin infernal, auquel elle rend l'opération fécale de ses clystères, à costé gausche de la grande chauldière, à trois toises près lés gryphes de Lucifer, tirant vers la chambre noire de Démogorgon. Ho le villain! »