CHAPITRE LI

Pourquoi ést dicte Pantagrüélion, et des admirables vertus d’icélle, |

Par ces manières (exCeptez la fabuleuse, car de fable ja Dieu ne pläise que usions en ceste tant véritable histoire |, ést dicte l'herbe Pantagruélion. Car Pantagruel fut d’icéllé inventeur :'je ne di pas quant à Ja plante, mais quant à tn certain usage, lequél plus est abhorré et haï des larrons, plus leur est contraire et

ennemi, que n’est la teigne et cuscute au lin, que le

roseau à la fougère, que le presle aux faulcheurs, que orobanche aux pois chiches , égilops à l'orge, securidata aux lentilles, antranium aux febves, l’ivraie au froment, le lierre aux murailles; que le nenufar et nymphea heraclia aux ribauldsmoines; que n’est la férule et le boullas aux escholiers de Navarre; que n’est le chou à la vigne, l'ail à l’aimant, l'oignon à la vue, la graine de fougère aux femmes enceinctés, la semence de saule aux nonnains vicieuses, l'umbre de if aux dormants dessoubs, le aconite aux pards et loups,

le flair du figuier aux taureaulx indignés, la ciguë aux

oisons, le pourpié aux dents, l'huile aux arbres: Car maints d'iceulx avons vu par tel usage finer leur vie hault et court ( à l'exemple de Phyllis, reine des Thraces; de Bonosus, empereur de Rome; de Amate, femme du roi Latin; de Iphis, Autolia, Lycambe, Arachne, Pheda, Leda, Acheus roi de Lydie, et aultres), de ce seulement indignés, que sans estre aultrement malades, par le pantagruélion on leur oppiloit les conduicts par lesquels sortent les bons mots et entrent les bons morceaulx, et aussi plus villainement que ne feroit la male angine, et mortelle squinänce.

Aultres avons ouis, sus l'instant que Atropos leur coupoit le filet de vie, soi grièvement complaignants : et lamentants, de ce que Pantagruel les ténoit à la gorge. Mais, las! ce n’estoit mie lui. Il ne fut onques rouart, c'estoit pantagruélion, faisant office de hart et leur servant de cornette. Et parloient improprement et en solæcisme ; sinon qu’on les excusast par figure synecdochique, prenant l'invention pour l'iuvenñteur, comme on prend Cérès pour pain, Bacchus pour vin. Je vous jure ici, par les bons mots qui sont dedans | ceste bouteille-là, qui refraischit dedans ce bac; que: le noble Pantagruel né print onques à la gorge, si non ceulx qui sont négligents de obvier à la soif imminente.

Aultrement est dicle pantagruélion par similitude. Car Pantagruel, naissant au monde, estoit aultant grand que l'herbe dont je vous parle, et en fut prinse la mesure aisément, vu qu'il nasquit au temps d’alté< ralion, lors qu'on cuëille ladicte herbé et que le chien’ dé Icarus, par les aboiïs qu'it faiét au soleil, rend tout: lé monde troglodyte, et contrainct häbiter és caves, et lieux soubs-terrains.

Aultrement est dicte pantagruélion par ses vertus et singularités. Car comme Pantagruel hà esté l'idée et exemplaire de toute joyeuse perfection (jé croi que personne de vous aultres buveurs n’en doubte }, aussi en pantagruélion je récognoi tant de vertus, tant d’énergie, tant de perfeclions, tant d'effets admirables, que, si elle eust esté en ses qualités-cognue, lors que. les arbres (par la relation du prophète ) feirent élection d'un roi dé bois pour les régir ét dominer, ellé sans doubte eust emporté la pluralité des voix et suffrages. Dirai je plus ? Si Oxÿlus, fils de Orius, l'eust de sa sœur Hamadryas éngendrée, plus én la seule valeur d'icelle se fust délecté, qu'en touts ses huict énfants tant célébrés par nos mythologes, qui ont leurs noms mis en mémoire éternelle. La fille aisnée eust nom Vigne; le fils puisné eust nom Figuier; l'aultre, Noyer; l’aultre, Chesne; l’aultre, Cormier ; l’'aultre,

Fenabregue; l’aultre, Peupliér : le dernier eut nom

Ulmeau, et fut grand chirurgien en son temps.

Je laisse à vous dire comment le jus d’icelle, exprimé et instillé dedans les aureilles, tue toute espèce de vermine, qui y seroit née par putréfaction , et tout aultre animal qui dedans seroit entré, Si d'icellui jus vous mettez dedans un seilleau d’eau, soubdain vous verrez l'eau prinse, comme si fussent caillebotes, tant est grande sa vertus. Et est l’eau ainsi caillée remède pré sent aux chevaulx coliqueux et qui tirent des flancs. La racine d'icelle, cuicle en eau, remollist les nerfs retirés, les joinctures contractes, les podagres scirrhotiques, et les gouttes nouées. Si promptement voulez guérir une bruslure, soit d'eau, soit de feu, appliquez y du pantagruélion crud, c’est à dire-tel qu'il naist de térre, sans aultre appareil ne composition. Et ayez esgard de le changer ainsi que le voirrez desseichant sus le mal. Sans elle seroient les cuisines infames, lès tables détestables, quoi que couvertes fussent de toutes viandes exquises; les licts sans délices, quoi que y fust en abundance or, argent, électre, ivoire et porphyre. Sans elle ne porteroient les meusniers bled au moulin, n’en rapporteroient farine. Sans elle comment seroient portés les plaidoyers des advocats à l'auditoire? Comment seroit sans elle porté le plastre à l'atelier ? Sans elle comment seroit tirée l'eau du puits? Sans elle que feroient les tabellions, les copistes, les secrétaires, et escripvains ? Ne périroient les panchartes et papiers

rentiers ? Ne périroit le noble art d'imprimerie? De.

quoi feroit-on chassis? Comment sonmeroit-on les cloches? D'’elle sont les isiaques ornés, les pastophores revestus, toute humaine nature couverte en première position, Touts les arbres lanifiques des Seres, les gossampines de Tyle en la mer Persique, les cynes des Arabes, les vignes de Malte, ne vestissent tant de personnes, que faict ceste herbe seulette. Couvre les armées contre le froid et la pluie, plus certes commodément que jadis ne faisoient les peaulx; couvre les théatres et amphithéatres contre la chaleur, ceinct les bois et taillis au plaisir des chasseurs, descend en eau tant doulce que marine au profict des pescheurs. Par elle sont bottes, boltines, botasses, houseaulx, brodequins, souliers, escarpins, pantouphles, savates, mises en forme et usage. Par elle sont les arcs tendus, les arbalestes bandées, les fundes faictes. El comme si fust herbe sacrée, verbénique et révérée des Manes et Lemures, les corps humains morts sans elle ne sont inhumés.

de dirai plus :icelle herbe moyennant, les substances invisibles visiblement sont arrestées, prinses, détenues, et comme en prison mises. À leur prinse et arrest, sont les grosses et pesantes meules tournées agilement à insigne profiot dela vie humaine. Et m'esbahi comment l'invention de tel usage ha esté par tant de siècles celé aux antiques philosophes, vue Patilité impréciable qui en provient, vu le labeur intolérable, que sans elle ils supportoient en leurs pistrines. Icelle moyennant, par la rétention des flots aérés, sont les grosses orcades, les amples télamons, les forts galions, les naufs chiliandres ét myriandres de leurs stations enlevées, et paulsées à l'arbitre de leurs gouverneurs. Icelle moyennant, sont les nations, que nature sembloit tenir absconses , imperméables, et incognues, à nous venues, nous à elles : choses que ne feroient les oiseaulx, quelque légèreté en pennage qu'ils ayent, et quelque liberté de nager en l’aer que leur soit baillée par nature. Taprobana ha vu Lappia; Java ha vu les monts Riphées ; Phebol verra Thélème : les Islandois et Engroenelands voirront Euphrates. Par elle Boreas ha vu le manoir de Auster; Eurus ha visité Zéphyre. De mode que les intelligences célestes , les Dieux tant marins que terrestres, en ont esté touts effrayés, voyants par l'usage de cestui bénédict pantagruélion, les peuples arctiques en plein aspect des antaretiques, franchir la mer Atlantique, passer les deux tropiques, volter soubs la zone torride, mesurer tout le zodiaque, s'esbattre soubs Fequinoctial, avoir l’un et l'aultre pole en vue à fleur de leur horizon. Les dieux olympiques ont en pareil effroi diet : « Pantagruel nous ha mis en

pensement nouveau et tédieux , plus qu'onques ne feirent les Aloïdes, par l'usage et vertus de son herbe. Il sera de brief marié : de sa femme aura enfants. A ceste destinée ne povons-nous contrevenir : car elle est passée par les mains et fuseaulx des sœurs faiales, filles de nécessité. Par ses enfants, peult-estre, sera inventée herbe de semblable énergie, moyennant laquelle pourront les humains visiter les sources des gresles, les hondes des pluies, et l’officine dés fouldres (4). Pourront envahir les régions de la lune, entrer le territoire des signes célestes, et là prendre logis,

les uns à l'Aigle d'or, les aultres au Mouton, les aul-

tres à Ja Couronne, les aultres à la Harpe, les aultres au Lion d'argent ; s'asseoir à table avec nous, et nos

. Déesses prendre à femmes, qui sont les seuls moyens

d'estre déifiés, » Enfin ont mis le remède d'y obvier en délibération et conseil.