CHAPITRE Lil
Comment certaïne espèce de pantagruélion ne peult être par feu consumée (2).
Ce que je vous ai dict est grand et admirable. Mais si Youliez vous hasarder de croire quelque aultre divinité de ce sagré pantagruélion , je la vous dirois. Croyez-la , ou non , ce m'est tout un. Me suffit vous avoir dict vérité. Vérité vous dirai. Mais pour y entrer (car elle est d'accès assez scabreux et difficile) je vous demande : si j’avois en ceste bouteille mis deux cotyles de vin, et une d'eau, ensemble bien fort meslés, comment les démesleriez-vous, comment les sépareriezvous, de manière que vous me rendriez l’eau à part sans le vin, le vin sans l’eau, en mesure pareille que les y aurois mis ? Aultrement, si vos chartiers et nautonniers, amenants pour la provision de vos maisons certain nombre de tonneaulx, pippes et bussarts de vin de Grave , d'Orléans, de Beaulne , de Mirevaulx, les avoient buffetés et bus à demi, le reste emplissants d’eau comme font les Limosins à bels esclots, charroyants les vins d'Argenton et Sangaultier, comment en osteriez-vous l’eau entièrement ? comment le purifieriez-vous? J'entends bien ; vous me parlez d’un entonnoir de lierre. Cela est escript. Il est vrai et avéré par mille expériences. Vous le sçaviez desja. Mais ceux qui ne l'ont sceu, et ne le virent onques, ne le croiroient possible.
Passons oultre. Si nous estions du temps de Sylla, Marius, Cesar, et aultres romains empereurs, ou du temps de nos antiques druides , qui faisoient brusler les corps morts de leurs parents et seigneurs , et vou- ‘ussiez les eendres de vos femmes ou pères boire en infusion de quelque bon vin blanc, comme feit Artemisia les cendres de Mausolus son mari, ou aultrement les réserver entières en quelque urne et reliquaire : comment saulveriez-vous icelles cendres à part, et séparées des cendres du bust et feu funéral ? Respondez. Par ma figue vous seriez bien empeschés. Je vous en dépesche , et vous di que , prenent de ce céleste pantagruélion aultant qu'en fauldroit pour eouvrir le corps du défunct , et ledict corps ayant bien à poinet enclos dedans, lié et cousu de mesme manière, jectez-le au feu tant grand, tant ardent que vouldrez, le feu, à travers le pantagruélion bruslera et rédigera en cendres le corps et les os : le pantagruélion, non seulement ne sera consumé ne ars, et ne déperdra un seul atome des cendres dedans encloses, ne recepvra un seul atome des cendres bustuaires, mais sera enfin du feu extraiet plus beau, plus blanc et plus net que
(4) Les aérostats sont ici prédits par Rabelais.
(2) H s'agit de l’asbeste on amiante minéral soyeux, dont on fait une toile incombustible.
200 CHEFS-D'OŒUVRE EUROPÉENS.
C’estoit pantagruélion, faisant office de hart et leur servant de cornette [page 198).
ne l'y aviez jecté. Pourtant est-il appellé Asbeston. Vous en trouverez foison en Carpasie, et soubs le climat Dia Syene, à bon marché. ù
O chose grande! chose admirable ! Le feu , qui tout dévore, tout dégaste et consume, netloye, purge et blanchit ce seul pantagruélion carpasien asbestin. Si de ce vous deffiez, et en demandez assertion et signe usual, comme Juifs et incrédules, prenez un œuf frais et le liez circulairement avec ce divin pantagruélion. Ainsi lié mettez le dedans le brasier tant grand et ardent que vouldrez. Laissez-le si long-temps que vouldrez. Enfin vous tirerez l’œuf cuict, dur et bruslé, sans altération, immutation, n’eschauffement du sacré pantagruélion. Pour moins de cinquante mille escuts bourdelois amodérés à la douziesme partie d’une pite, vous en aurez faict l'expérience.
Ne me paragonnez poinct ici la salamandre. C'est abus. Je confesse bien que petit feu de paille la végète el resjouit. Mais je vous asseure que en grande fournaise elle est, comme tout aultre animant, suffoquée et consumée. Nous en avons vu l'expérience. Galen l'avoit long-temps ha confermé et démonstré, lib. 3. de temperamentis. Xci ne m'alléguez l'alum de plume ne la tour de bois en Pirée, laquelle L. Sylla ne peut onques faire brusler, pource que Archelaus, gouverneur de la ville pour le roi Mithridates, l’avoit toute enduicte d’alum. Ne me comparez ici celle arbre qu'Alexandre Cornelius nommoit Eonem , et la disoit estre semblable au chesne qui porte le gui, et ne povoit estre ne par eau ne par feu consommée ou endommagée, non plus que le gui de chesne; et d'icelle avoir eslé faicte et bastie la tant célèbre navire Argo. Cherchez qui le croye : je m'en excuse. Ne me para-
gonnez aussi, quoi que mirifique soit, celle espèce d'arbre que voyez par les montagnes de Briançon et Ambrun , laquelle de sa racine nous produict le bon agaric ; de son corps nous rend la résine tant excellente que Galen l'ose équiparer à la térébinthine ; sus ses feuilles délicates nous retient le fin miel du ciel, c'est la manne; et quoi que gommeuse et unctueuse soit, est inconsumptible par feu. Vousla nommez Larix en grec et latin; les Alpinois la nomment melze; les Antenorides et Venitiens , larége, dont fut dict Larignum le chasteau en Piedmont, lequel trompa Jule Cesar, venant és Gaules. Jule Cesar avoit faict commendement à touts les manants et habitants des Alpes et Piedmont, qu’ils eussent à porter vivres et munitions és estapes dressées sus la voie militaire, pour son ost passant oultre. Auquel touts furent obéissants, exceptés ceulx qui estoient dedans Larigno, lesquels, soi confiants en force naturelle du lieu, refusarent à la contribution. Pour les chastier de ce refus, l'empereur feit droict au liéu cheminer son armée. Devant la porte du chasteau estoit une tour bastie de gros chevrons de larix, lacés l’un sus l’aultre alternativement comme une pile de bois, continuants en telle haulteur, que des machicolis facilement on povait avecques pierres et leviers débouter ceulx qui approcheroient. Quand Cesar entendit que ceulx du dedans n'avaient aultres deffenses que pierres et leviers , et qu’à peine les povoient-ils darder jusques aux approches, commenda à ses souldars jecter autour force fagots et y mettre le feu : ce que fut incontinent faict. Le feu mis és fagois, la flambe fut si grande et si haulte qu'elle couvrist tout le chasteau ; dont pee que bien tost après la tour seroit arse et démolie. Mais
cessant la flambe, et les fagots consumés, la tour apparut entière sans en rien estre endommagée. Ce que considérant Cesar, commenda que hors le ject des pierres tout autour , l’on feist une seine de fossés et bouclus. Adoncques les Larignans se rendirent à composition. Et par leur récit cognut Cesar l’admirable nature de ce bois, lequel de soi ne faict feu, flambe ne charbon : et seroit digne en ceste qualité d’estre au degré mis du vrai pantagruélion, et d’aultant plus que Pantagruel d'icellui voulut estre faicts touts les huis, portes, fenestres, gouttières, larmiers et l’embrun de Thélème; pareillement d'icellui feit couvrir les pouppes, prores, fougons, lillacs, coursies et rambades de ses carracons, navires, galères, galions, brigan-
un
tins, fustes et aultres vaisseaux de son arsenac de Thalasse. Ne feust que Larix, en grande fournaise de feu provenent d’aulires espèces de bois, est enfin corrompu et dissipé, comme sont les pierres en fourneau de chaulx; pantagruélion asbeste plustost y est renouvellé et nettoyé, que corrompu ou altéré. Pourtant,
Indes, cessez, Arabes, Sabiens,
Tant collauder vos myrrhe, encens, ébène.
Venez ici recognoistre nos biens
Et emportez de nostre herbe la grène :
Puis, si chez vous peult croistre, en bonne estrene Graces rendez és cieulx un million :
Et affermez de France heureux le règne,
Onquel provient pantagruélion.
