RE TR

C'est la cause, monseigneur, pourquoi présentement, hors toute intimidation, je mets la plume au vent, espérant que par vostre bénigne faveur me serez contre les calumniateurs comme un second Hercules gaulois, en sçavoir, prudence et éloquence; Alexicacos en vertus, puissance et autorité, duquel véritablement dire je peulx ce que de Moses le grand prophète et .capilaine en Israël dict le sage roi Salomon, Ecclesiast. 15, homme craignant et aimant Dieu, agréable à touts humains, de Dieu et des hommes bien aimé, duquel heureuse est la mémoire. Dieu en louange l’ha accomparé aux preux, l'ha faict grand en terreur des ennemis. En sa faveur ha faict choses prodigieuses et espouventables ; en presence des rois l'ha honoré. Au peuple par lui a son vouloir déclairé, et par lui sa lumière ha monstré. Il l’ha en foi et débonnaireté consacré el esleu entre touts humains. Par lui ha voulu estre sa voix ouie, et à ceulx qui estoient en‘ténèbres estre la loi de vivifique science annuncée.

Au surplus, vous promettant que ceulx qui par moi seront rencontrés congratulants de ces joyeux escripts, touts je adjurerai vous en scavoir gré total, uniquement vous en remercier, et prier nostre Seigneur pour conservation et accroissement de ceste vosire grandeur; à moi rien ne attribuer fors humble subjection et obéissance voluntaire à vos bons commandements. Car par vostre exhortation tant honorable m'avez donné et courage et invention; et sans ‘vous m'estoit le cœur failli, et restoit tarie la fontaine de mes esperits animaulx. Nostre Seigneur vous maintienne en sa saincte grace. De Paris, ce 28 de jan-

vier, M D Lil.

Vostre très-humble et très-obéissant serviteur,

François RABELAIS, médicin.