CHAPITRE XV
Comment par chicanous sont renouvellées les antiques coustumes des fiansailles.
« Chicanous, avoir dégouzillé une grande tasse de vin breton, dist au seigneur : « Monsieur, comment l’'entendez-vous? L'on ne baille poinct ici des nopces ? Sainsambreguoi, toutes bonnes coustumes se perdent. Aussi ne trouve l’on plus de lièvres au giste. Il n'est plus d'amis. Voyez comment en plusieurs ecclises l’on ha désemparé les antiques buvettes des benoïsts saincts 0 O de Noël (1)? Le monde ne faict plus que resver. Il approche de sa fin. Or tenez : des nopces, des nopces, des nopces! »Ce disant, frappoit sus Basché et sa femme, après sus les damoiselles el sus Oudart. Adoncques feirent gantelets leur exploict, si que à chicanous fut rompue la teste en neuf endroicts : à un des records fut le bras droict défocillé, à l’aultre fut démanchée la mandibule supérieure, de mode qu’elle lui couvroit le menton à demi, avecqués dénudation de la luette et perte insigne des dents molares, maslicatoires et canines. Au son du tabourin changeant sonïintonation, furent les gantelels mussés, sans estre aulcunement apperceus, et conficiures multipliées de nouveau ; avecques liesse nouvelle. Buvants les bons compagnons uns aux aultres, et touts à chicanous et ses records, Oudart renioit et despitoit les nopces, alléguant que un des records lui avoit desincornifistibulé toute l’aultre espaule. Ce nonobstant, buvoit à lui joyeusement. Le records démandibulé joingnoit les mains et tacitement lui demandoit pardon. Car parler ne povoit il. Loire se plaignoit de ce que le records débradé lui avait donné si grand coup de poing sus l’aultre coubte, qu'il en estoit devenu tout esperruquancluzelubelouzerirelu du talon. « Mais, disoit Trudon, cachant l'œil gausche avecques son mouschoir , et monstrant son labourin , défoncé d’un costé
(1) Antiennes qui se chantaient le soir dans la neuvaine de Noël, et qui toutes commençaient par l’exclamation O : c'était une occasion de soupers joyeux,
RE
SA
SA AN MN hs
