CHAPITRE XVI

Comment par frère Jean est faict essai du naturel des chicanous,

« Ceste narration, dist Pantagruel, semblerait joyeuse, ne fust que devant nos œæils fault la crainte de Dieu continuellement avoir. — Meilleure , dit Epistemon, seroit , si la pluie de ces jeunes gantelets fust sus le gras prieur tombée. Il despendoit pour son passetemps argent, part à fascher Basché, part à voir ces chicanous daulbés. Coups de poing eussent aptement atouré sa teste rase, attendue l'énorme concussion que voyons hui entre ces juges pédanées soubs l’orme. En quoi offensoient ces pauvres diables chicanous ? — ]l me soubvient, dist Pantagruel, à ce propos, d'un antique gentilhomme romain , nommé L. Neratius. H estoit de noble famille et riche en son temps. Mais en lui estoit céste tyrannique complexion, que issant de son palais il faisoit emplir les gibbessières de ses varlets d’or et d'argent monnoyé, et rencontrant par les rues quelques mignons braguars et mieulx en poinct, sans d'iceulx estre aulcunement offensé, par gaieté de cœur leur donnoit grands coups de poing en face. Soubdain après, pour les appaiser et empescher de non soi complaindre en justice, leur despartoit de son argent. Tant qu'il les rendoit contents et satisfaicts,

selon l'ordonnance d’une loi des douze tables. Ainsi despendoit son revenu battant les gents au prix de son argent. — Par la sacre botte de sainct Benoist, dist frère Jean, présentement j'en scaurai la vérité. »

Adoncques descend en terre , mist la main à son escarcelle, et en tira vingt escuts au soleil. Puis dist à haulte voix, en présence et audience d’une grande tourbe du peuple chicanourrois : « Qui veult gagner vingt escuts pour estre batu en diable? — Io, io, io, respondirent touts, Vous nous affolerez de coups, monsieur, cela est seur. Mais il y ha beau gaing. » Et touts accourroient à la foulle, à qui seroil premier en date, pour esire tant précieusement batu. Frère Jean de toute la troupe choisit un chicanous à rouge muzeau, lequel on poulce de la main dextre portoit un gros et large anneau d'argent, en la palle duquel estoit enchassée une bien grande crapauldine.

L’ayant choisi, je vi que tout ce peuple murmuroit, et entendi un grand, jeune et maigre chicanous, habile et bon clerc, et, comme estoit le bruit, honeste homme en court d'ecclise, soi complaignant et murmurant de ce que le rouge muzeau leur ostoit toutes practiques : et que si en tout le terriloire n estoient que trente coups de bastons à gagner, il en emboursoit tousjours vingthuict et demi. Mais touts ces complainets et murmures ne procédoient que d'envie.

Paris, — Imp. Lacour er C°, rue Soufflut, 46, 29

om

Frère Jean daulba tant et trestant rouge muzean, dors et ventre, bras et jambes, teste et tout, à grands coups de baston, que je le cuidois mort assommé. Puis lui bailla les vingt escuts. Et mon villain debout, aise comme un roi ou deux. Les aultres disoient à frère Jean : « Monsieur frère diable , s’il vous plaist encore quelques uns battre pour moins d'argent, nous sommes touls à vous, monsieur le diable. Nous sommes trestouts à vous, sacs, papiers, plumes et tout. » Rouge muzeau s’escria contr'eulx, disant à haulte voix : « Feston diene, gallefretiers, venez-vous sus -mon marché? Me voulez-vous oster et séduire mes chalands ? Je vous cite par devant l'official à huictaine mirelaridaine. Je vous chicanerai en diable de Vauvert. » Puis, se tournant vers frère Jean, à face riante et joyeuse lui dist : « Révérend père en diable, monsieur, si m'avez trouvé bonne robe, et vous plaist encores en me battant vous esbattre, je me contenterai de la moitié de juste prix. Ne m'espargnez, je vous en prie. Je suis tout et trestout à vous, monsieur le diable : teste, poulmon, boyaulx et tout. Je le vous di à bonne chère. » Frère Jean interrompit son propos , et se destourna aultre part. Les aultres chicanous se retiroient vers Panurge, Episfemon, Gymnaste et aultres, les suppliants dévotement estre par eulx à quelque petit prix batus, aultrement estoient en danger de bien longuement jeusner, Mais nul n’y voulut entendre.

Depuis, cherchants eau fraische pour la chorme des naufs, rencontrasmes deux vieilles chicanourres du lieu : lesquelles ensemble misérablement pleuroient et lamentoient. Pantagruel estoit resté en sa nauf, et ja faisoit sonner la retraicte. Nous doubtants qu’elles fussent parentes du chicanous qui avoit eu bastonnades, interrogions les causes de telle dolédnce. Elles respondirent, que de pleurer avoient cause bien équitable, vu que à heure présente l’on avoit au gibbet baillé le moine par le col aux deux plus gents de bien qui fussent en tout chicanourrois. « Mes pages, dist Gymnaste, baillent le moine par les pieds à leurs compagnons dormars. Bailler le moine par le col, seroit-ce pendre et estrangler la personne. — Voire, voire , dist frère Jean , vous en parlez comme sainct Jean de la Palisse » (1).

Interrogées sus les causes de cestui pendage, respondirent qu'ils avoient desrobé les ferrements de la messe et les avoient mussés sous le manche de la parœce (2)? « Voilà, dist Epistemon, parlé en terrible allégorie, »