CH TR US
le jour est fériau. — Inse, inse! Bon. — O, s’escria
Epistemon , je vous commande teuts bien espérer. Je voi ça Castor à dextre. — Be be bous bous bous, dist Panurge, j'ai grand paour que soit Helene la paillarde. — C’est vraiement, respondit Epistemon, Mixarchagevas, si plus te plaist la dénomination des Argives. Haye, haye! Je voi terre; je voi port: je voi grand nombre de gents sus le havre. Je voi du feu sur un obéliscolychnie.— Haye, hayel! dist le pilot, double le cap, et les basses. — Doublé est, respondoient les matelots. — Elle s'en va, dist le pilot : aussi vont celles de convoi. Aide au bon temps. — Sainct Jean, dist Panurge, c'est parlé cela. O le beau mot. — Mgna, mgna, mgna, dist frère Jean ; si tu en tastes goulte, que le diable me taste. Entends-tu, couillu au diable? Tenez, notre amé, plein tanquart du fin meilleur. Apporle les frisons, hau Gymnaste, et ce grand mastin de pasté jambique, ou jambonique; ce m'est tout un. Gardez de donner de travers. — Courage, s’escria Pantagruel, courage, enfants. Soyons cour. tois. Voyez ci près nostre nauf deux luts, trois flouins, cinq chippes, huict voluntaires, quatre gondoles, et six frégates, par les bonnes gents de ceste prochaine isle envoyées à nostre secours. Mais qui est cestui Ucalegon (1) là bas qui ainsi crie et se desconforte ? Ne tenois-je l'arbre seurement des mains, et plus droict que ne feroient deux cents gumènes ? — C'est, respondit frère Jean, le pauvre diable de Panurge, qui ba fiebvre de veau. Il tremble de paour quand il est saoul. — Si, dist Pantagruel, paour il ha eu durant ce colle horrible et périlleux fortunal, pourvu qu'au reste il se fust évertué, je ne l'en estime un pelet moins. Car comme craindre en tout heurt est indice de gros et lasche cœur, ainsi comme faisoit Agamemnon; et pour ceste cause le disoit Achilles en ses reproches ignominieusement avoir œils de chien, et cœur de cerf: aussi ne craindre quand le cas est évidentement redoubtable, est signe de peu ou faulte d’appréhension. Ores, si chose est en ceste vie à craindre, après l’offense de Dieu, je ne veulx dire que ne soit la mort. Je ne veulx entrer en la dispute de Socrates et des académiques : mort n’estre de soi maulvaise, mort n'estre de soi à craindre. Je dis cesté espèce de mort par naufrage estre, ou rien n'’estre à craindre. Car, comme est la sentence d'Homère, chose griève, abhorrente et dénalurée est périr en mer. De faict Eneas, en la tempeste de laquelle fut le convoi de ses navires près Sicile surprins, regrettoit n’estre mort de la main du fort Diomedes, et disoit ceulx estre trois et quatre fois heureux qui estoient morts en la conflagration de Troie. Il n'est céans mort personne : Dieu servateur en soit éternellement loué. Mais vraiement voici un mesnage assez mal en ordre. Bien. Il nous fauldra réparer ce bris. Gardez que ne donnons par terre. »
