CHAPITRE XXVIL

Comment Pantagruel raisonne sus la discession des ames héroïques , et des prodiges horrifiques qui précédarent le tres-

pas du feu seigneur de Langey,

«Je ne vouldroi, dist Pantagruel continuant, n’avoir

pati la tormente marine, laquelle tant nous ha vexés

et travaillés, pour non entendre ce que nous dict ce bon macrobe. Encores suis-je facilement induict à croire ce qu'il nous ha diet du comète vu en l’aer par certains jours précédents telle discession. Car aulcunes telles ames tant sont nobles, précieuses, et héroïques, que deleur deslogement et trespas nous est certains jours devant donnée signification des cieulx. Et comme le prudent médicin, voyant par les signes prognostics son malade entrer en decours de mort, par quelques jours devant advertit les femmes, enfants, parents et amis du décès imminent du mari, père ou prochain, affin qu’en ce reste de temps qu’il ha de vivre, ils l’admonestent donner ordre à sa maison, exhorter et benire ses enfants, recommender la viduité de sa femme, desclairer ce qu'il sçaura estre nécessaire à l’entretenement des pupilles; et ne soit de mort surprins sans tester et ordonner de son ame et de sa maison : semblablement, les cieulx bénévoles, comme joyeulx de la nouvelle reception de ces béates âmes, avant leur décès semblent faire feux de joie par tels comètes et apparitions météores , lesquelles voulent les cieulx estre aulx humains pour prognostic certain et véridique prédiction , que dedans peu de jours telles vénérables ames laisseront leurs corps et la terre. Ne plus ne moins que jadis, en Athènes, les juges aréopagites, ballotants pour le jugement des criminels prisonniers, usoient de certaines notes selon la variété des sentences : par ©, signifiant condemnation à mort; par T, absolution; par A, ampliation (1) : savoir est, quand le cas n’estoit encores liquide. Icelles publiquement exposées ostoient d’esmoi et pensement les parents, amis et aultres curieux d'entendre quelle seroit l'issue et jugement des malfaicteurs détenus en prison. Ainsi par tels comètes, comme par notes éthérées, disent les cieulx tacitement, « Hommes mortels, si de cestes heureuses ames voulez chose aulcune sçavoir, apprendre, entendre, cognoistre, prévoir touchant le bien et utilité publique ou privée, faictes diligence de vous représenter à elles, et d’elles response avoir. Car la fin et catastrophe de la comédie approche. Icelle passée, en vain vous les regrelterez. »

« Font d'advantage. C’est que pour déclairer la terre et gents terriens n'estre dignes de la présence, compagnie et fruilion de telles insignes ames, l’estonnent et espouventent par prodiges, portentes, monstres, et aultres précédents signes formés contre tout ordre de nature. Ce que vismes plusieurs jours avant le département de celle tant illustre, généreuse, et héroïque ame du docte et preux chevalier de Langey, duquel vous avez parlé.—Il m'en soubvient, dit Epistemon, et encores me frissonne et tremble le cœur dedans sa capsule, quand-je pense és prodiges tant divers et horrifiques, lesquels vismes apertement cinq et six jours avant son départ. De mode que les seigneurs d'Assier, Chemant, Mailly le borgne, Sainct Ayl, Villeneuve la Guyart, maistre Gabriel médicin de Savillan, Rabelais, Cohuau, Massuau, Majorici, Bullou, Cercu dit Bourguemaistre, Francois Proust, Ferron, Charles Girard, François Bourré, et tant d'aultres

(1) © ou théta, de thanatos, mort; T ou tau de telebsis, absolution; A ou alpha de adélos, incertain. Les Latins avaient de même A, absolvo, j'absous; CG, condemno, je condamne ; N L, non liquet, l'affaire n’est pas éclaircie. Le Duchat paraît avoir confondu les indications propres à ces deux peuples anciens,

om GO

ul { | ji | L

(ll LP

do)

| js |

(Pt AT

Et par la forest umbrageuse et déserte descouvrit plusieurs vieux temples ruinés [page 231).

amis, domestiques, et serviteurs du défunct, touts effrayés se regardoient les uns les aultres en silence sans mot dire de bouche, mais bien touts pensants et prévoyants en leurs entendements que de brief seroit France privée d'un tant parfaict et nécessaire chevalier à sa gloire et protection, et que les cieulx le répétoient comme à eulx deu par propriété naturelle. — Huppe de froc, dist frère Jean, je veulx devenir clerc sus mes vieulx jours. J'aiassez belle entendoire, voire. Jevous demande en demandant, comme le roi à son sergent, et la reine à son enfant, ces héroes ici et semidieux desquels avez parlé, peuvent-ils par mort finir? Par nettre dené, je pensois en pensaroïis qu'ils fussent immortels, comme beaulx anges, Dieu me le veuille pardonner. Mais ce révérendissime macrobe dict qu’ils meurent finablement. — Non touts, respondit Pantagruel. Les stoïciens les disoient touts estre mortels, un excepté, qui seul est immortel, impassible, invisible. Pindarus apertement dict és déesses hamadryades plus de fil, c’est à dire plus de vie, n'estre filé de la quenouille et filasse des destinées et parces iniques, que és arbres par elles conservées.Ce sont chesnes, desquels elles nasquirent selon l'opinion de Callimachus, et de Pausanias ir Phoci. Esquels conusent Martianus Capella. Quand aulx semidieux, panes, satyres, sylvains, follets, égipanes, nymphes, héroes, et démons, plusieurs ont, par la somme totale résultant des ages divers supputés par Hesiode, compté

leurs vies estre de 9720 ans : nombre composé de unité passante en quadrinité , et la quadrinité entière quatre fois en soi doublée, puis le tout cinq fois multiplié par solides triangles (4). Voyez Plutarche on livre dela cessation des Oracles.

— Cela, dist frère Jean, n’est poinct matière de bréviaire. Je n’en croi sinon ce que vous plaira. — Je croi, dist Pantagruel, que toutes ames intellectives sont exemptes des ciseaulx d’Atropos. Toutes sont immortelles : anges, démons et humaines. Je vous dirai toutesfois une histoire bien estrange, mais escripte et asseurée par plusieurs doctes et sçavants historiographes, à ce propos. »