CHAPITRE XLIT
Comment Pantagruel parlemente avecques Niphleseth reine des Andouilles.
Le monstre susdict plus n’apparoissant, et restantes les deux armées en silence, Pantagruel demanda parlementer avecques la dame Niphleseth : ainsi estoit nommée la reine des Andouilles, laquelle estoit près les enseignes dedans son coche. Ce que fut facilement accordé. La reine descendit en terre, et gratieusement salua Pantagruel, et le vid voluntiers. Pantagruel soi complaignoit de ceste guerre. Elle lui feit ses excuses honestement, alléguant que par faulx rapport avoit esté commis l'erreur, et que ses espions lui avoient dénoncé que Quaresmeprenant leur antique ennemi estoit en terre descendu, et passoit lemps à voir l’urine des physétères. Puis le pria vouloir de grace leur pardonner ceste offense, alléguant qu’en Andouilles plustost l’on trouvoit merde que fiel : en ceste condition, qu'elle et toutes ses succestrices Niphleseth à jamais tiendroient de lui et ses successeurs toute l'isle et pays à foi et hommage, obéiroient en tout et par tout à ses mandements; seroient de ses amis amies, ct de ses ennemis ennemies; par chascun an, en recognoissance de ceste feaulté lui envoye-
(1) On appela ainsi la reine Berthe, femme du roi Robert. Il y avait aussi à Toulouse un pont appelé le pont de la reine Pédauque. Peut-être ces noms ne furent-ils donnés que d’après un soupçon d’hérésie,
roient soixante et dixhuict mille Andouilles royales pour à l'entrée de table le servir six mois l’an. Ce que fut par elle faict; et envoya au lendemain dedans six grands brigantins le nombre susdict d’Andouilles royales au bon Gargantua sous la conduicte de la jeune Niphleseth, infante de l’isle. Le noble Gargantua en feit present et les envoya au grand roi de Paris. Mais au changement de l’aer, aussi par faulte de moustarde (baulme naturel et restaurant d’andouilles) moururent presque toutes. Par l'octroi et vouloir du grand roi feurent par morceaulx en un endroict de Paris enterrées , qui jusques à présent est appellée la rue pavée d’Andouilles (1). A la requeste des dames de la court royale, fut Niphleseth la jeune saulvée et honorablement traictée. Depuis fut mariée en bon et riche lieu, et feit plusieurs beaulx enfants, dont loué soit Dieu.
Pantagruel remercia gratieusement la reine, pardonna toute l’offense, refusa l'offre qu'elle avoit faict, et lui donna un beau pelit cousteau pargois. Puis curieusement l’interrogua sus l'apparition du monstre susdict. Elle respondit que c’estoit l'idée de Mardigras leur dieu tutélaire en temps de guerre, premier fondateur et original de toute la race andouillique. Pourtant sembloit-il à un pourceau, car Andouilles furent de: pourceau extraictes. Pantagruel demandoit à quel propos et quelle indication curative il avoit tant de mouslarde en terre projecté. La reine respondit que moustarde estoit leur Sangreal et baulme céleste, duquel mettant quelque peu dedans les plaies des Andouilles terrassées, en bien peu de temps les navrées guérissoient, les mortes ressuscitoient.
Aultres propos ne tint Panlagruel à la reine : et se retira en sa nauf. Aussi feirent touts les bons compagnons avecques leurs armes et leur truie.
