CHAPITRE LVIL

Comment Pantagruel descendit on manoir de messer Gaster, premier maistre és arts du monde {2}.

En icellui jour, Pantagruel descendit en une isle admirable entre toutes aultres, tant à cause de l'assietie que du gouverneur d’icelle. Elle, de touts costés, pour le commencement , estoit scabreuse, pierreuse, montueuse , infertile, mal plaisante à l'œil, très-difficile aux pieds, et peu moins inaccessible que le mons du Daulphiné, ainsi dict, pource qu'il est en forme d’un potyron, et, de toute mémoire, personne surmonter ne l'ha pu, fors Doyac, conducteur de l'artillerie du roi Charles huictiesme (3), lequel avecques engins mirifiques y monta, et au dessus trouva un vieil belier. C'estoit à diviner qui là transporté l’avoit. Aulcuns le dirent, eslant jeune aignelet, par quelque aigle, due, ou chaüant là ravi, s’estre en les buissons saulvé. Surmontants la difficulté de l'entrée à poine bien grande et non sans suer, trouvasmes le dessus du mons tant plaisant, tant fertile, tant salubre, et délicieux, que je pensois estre le vrai jardin et paradis terrestre, de la situation duquel taut disputent et labourent les bons théologiens. Mais Pantagruel nous affermoit là estre le manoir d’Arété {c'est Vertus), par Hésiode descript, sans toutesfois préjudice de plus saine opinion. Le gouverneur d'icelle estoit messer Gaster, premier maistre és arts de ce monde,

Si croyez que le feu soit le grand maistre des arts, comme escript Ciceron, vous errez, et vous faites tort; car Ciceron ne le crut onques. Si croyez que Mercure soit le premier inventeur des arts, comme jadis croyoient nos antiques druides, vous forvoyez grandement. La sentence du satirique est vraie, qui dict messer Gaster estre de touts arts le maistre.

(1) Personnage de la farce de Patelin. |

(2) Tout le chapitre est une paraphrase de cette pensée de Perse : Magister artis ingeniique largitora enter.

(3) Ge fait ne doit pas être attribué à d’Oyac, favori de Louis XI, ancien chaussetier, qui parvint au titre d'amiral de Loys, et depuis disgracié, mutilé. Ce fut Julien, capitaine de Montélimar, qui, en 1492, parvint au sommet du mont Inaccessible,

©r bs"

qe

Ils la nommoiïent Manduce, C’estoit une effigie monstrueuse, ridicule (p. 258).

Avecques icellui pacifiquement résidoit la bonne dame Penie, aultrement dicte Souffreté, mère des neuf Muses, de laquelle jadis en compagnie de Porus, seigneur d'abundance, nous nasquit Amour le noble enfant médiateur du ciel et de la terre, comme atteste Platon à Symposio. À ce chevaleureux roi force nous fut faire révérence, jurer obéissance et honeur porter. Car il est impérieux, rigoureux, rond, dur, difficile, inflectible. À lui on ne peult rien faire croire, rien remonstrer, rien persuader. Il ne oit poinct. Et comme les Egyptiens disoient Harpocras , dieu de silence, en grec nommé Sigalion, estre astome, c'est à dire, sans bouche; ainsi Gaster sans aureilles fut créé : comme en Candie, le simulachre de Jupiter estoit sans aureilles. Il ne parle que par signes ; mais à ses signes tout le monde obéit plus soubdain qu'aulx édicts des préteurs et mandements des rois: en ses sommations, délai aulceun et demoure aulcune il n'admet. Vous dictes que au rugissement du lion toutes bestes loing à l’entour frémissent, tant (scavoir est ) qu'estre peult sa voix ouie. Il est escriplt il est vrai, je l’ai vu, je vous certifie qu'au mandenent de messer Gaster tout le ciel tremble , toute la terre bransle. Son mandement est nommé Faire le fault sans délai, ou mourir. Le pilot nous racomptoitcomment un jour, à l'exemple des membres conspirants contre le ventre, ainsi que descript Esope , tout le royaulme des Somates contre lui conspira et conjura soi soubstraire de son obéissance; mais bien lost s’en sentit, s’en repentit, et retourna en son service en toute humilité; aultrement touts de male famine périssoient. En quelques compa-

gnies qu'il soit, discepter ne fault de supériorité et préférence, tousjours va devant : y fussent rois, émpereurs, voire certes le pape. Et au concile de Basle, le premier alla, quoi qu’on vous die que ledict concile fut séditieux, à cause des contentions et ambitions des lieux premiers. Pour le servir, tout le monde est empesché, tout le monde labeure. Aussi, pour récompense, il faict ce bien au monde, qu'il lui invente toutes arts, toutes machines, touts métiers, touts engins, et subtilités. Mesme és animants brutaulx il apprend arts desniées de nature. Les corbeaulx, les gais, les papegais, les estourneaulx, il rend poètes ; les pies il faict poétrides ; et leur apprend langage humain proférer, parler, chanter. Et tout pour la trippe. Les aigles, gerfaulx, faulcons, sacres, laniers, autours, esparviers, esmerillons, oiseaulx aguars, pérégrins, essors , rapineux, saulvages, il domestique et apprivoise, de telle facon que les abandonnant en pleine liberté du ciel quand bon lui semble , tant hault qu’il vouldra , tant que lui plaist, les tient suspens, errants, volants, planants, le muguetants, lui faisants la cour au dessus des nues: puis soubdain les faict du ciel en terre fondre. Et tout pour la trippe. Les éléphants, les lions, les rhinocérotes, les ours, les chevaulx, les chiens, il faict danser, baller, voltiger, combattre, nager, soi cacher, apporter ce qu'il veult, prendre ce qu’il veult. Et tout pour la trippe. Les poissons, tant de mer comme d’eau doulce, balaines et monstres marins, sortir il faict du bas abysme, les loups jecte hors des bois, les ours hors les rochers, les regnards hors les tesnières, les serpents lance hors la terre. Et tout pour la trippe.

Paris, — Impr. Lacour Er C', rue Soufflot, 46. 33

258 CHEFS-D'OŒEUVRE EUROPÉENS.

Bref, est tant énorme, qu’en sa rage il mange tout, bestes et gens, comme fut vu entre les Vascons, lors que Q. Metellus les assiégeoit par les guerres sertorianes; entre les Saguntins, assiégés par Hannibal ; entre les Juifs, assiégés par les Romains : six cents aultres. Et tout pour la trippe. Quand Pénie sa régente se met en voie, la part qu'elle va, touts parlements sont clos, touts édicts muts, toutes ordonnances vaines. À loi aulcune n'est subjecte, de toutes est exempte. Chacun la refuit, en touts endroicts plustost s'exposants és naufrages de mer, plustost eslisants par feu, par monts, par goulphres passer, que d’icelle estre appréhendés.