CHAPITRE LVIII
Comment, en la court du maistre ingénieux, Pantagruel détesta les Engastrimythes et les Gastrolatres,
En la court de ce grand maistre ingénieux, Pantagruel apperceut deux manières de gents, appariteurs importuns et partropofficieux, lesquels il eut en grande abomination. Les uns estoient nommés Engastrimythes, les aultres Gastrolatres.
Les Engastrimythes soi disoient estre descendus de l'antique race d'Eurycles, et sur ce alléguoient le tesmoignage d'Aristophanes en la comédie intitulée les Tahons, ou mousches-guespes. D’ond anciennement estoient dicts Eurycliens, comme escript Plato, et Plutarche on livre de la Cessation des oracles. Es saincts décrets, 26. g. 3. sont appelés Ventriloques ; et aussi les nomme en langue ionique Hippocrates, lib. 5, Epid. comme parlants du ventre. Sophocles les appelle Sternomantes. C’estoient divinateurs, enchanteurs, et abuseurs de simple peuple, semblants, non de la bouche, mais du ventre parler et respondre à ceulx qui les interrogeoient. Telle estoit, environ l'an de nostre benoist Servateur 1513, Jacobe Rodogine, italiane, femme de basse maison. Du ventre de laquelle nous avons souvent oui, aussi ont aultres infinis en Ferrare et ailleurs, la voix de l’esperit immunde, certainement basse, foible, et petite ; toutesfois bien articulée, distincte, et intelligible, lors que, par la curiosité des riches seigneurs et princes de la Gaulle Cisalpine, elle estoit appellée et mandée. Lesquels, pour oster toute doubte de fiction et fraude occulte, la faisoient despouiller toute nue, et lui faisoient clorre la bouche et le nez. Cestui maling esperit se faisoit nommer Crespelu, ou Cincinnatule ; et sembloit prendre plaisir ainsi estant appellé. Quand ainsi on l’appelioit, soubdain aulx propos respondoit. Si on l'interrogeoit des cas présents ou passés, il en respondoit pertinemment, jusques à tirer les auditeurs en admiration. Si des choses futures, tousjours mentoit, jamais n’en disoit la vérité ; et souvent sembloit confesser son ignorance, en lieu d'y respondre faisant un gros ped, ou marmonoit quelques mots non intelligibles et de barbare termination.
Les Gastrolatres, d’un aultre costé, se tenoient serrés par irouppes et par bandes, joyeux, mignards, douillets aulcuns; aultres tristes, graves, sévères , rechignés : touts otieux, rien ne faisants, poinct ne travaillants, poids et charge inutile de la terre, comme dict Hesiode : craignants (selon qu'on povoit juger | le ventre offenser, et emmaigrir. Au reste masqués, déguisés, et vestus tant estrangement que c’estoit belle chose. Vous dictes, et est escript par plusieurs sages et antiques philosophes, que l'industrie de nature appert merveilleuse en l’esbatement qu'elle semble avoir prins formant les coquilles de mer : tant y void-on de variété, tant de figures , Lant de couleurs, tant de traicts el formes non imitables par art. le vous asseure qu’en la vesture de ces gastrolatres coquillons ne vismes moins de diversité et desguisement, Ils touts tenoient
Gaster pour leur grand dieu, l'adoroient comme dieu, lui sacrifioient comme à leur dieu omnipotent, ne recognoissoient aultre dieu que lui; le servoient, aimoient sus toutes choses, honoroient comme leur dieu. Vous eussiez dist que proprement d'eulx avoit le sainct envoyé escript, Philippens. 3. « Plusieurs sont desquels souvent je vous ai parlé {encores présentement je vous di les larmes à l'œil} ennemis de la croix du Christ: desquels mort sera la consommation, desquels ventre est le dieu. » Pantagruel les comparoit au cyclope Polyphemus, lequel Euripides faict parler comme s'ensuit : « Je ne sacrifie qu'à moi (aulx dieux poinct) et à cestui mon ventre, le plus grand de tous les dieux » (1).
