CHAPITRE ‘IT
Comment l’isle Sonnante avoit esté habitée par les Siticines , lesquels estoient devenus oïiseaulx.
Nos jeusnes parachevés, l’ermite nous bailla une lettre addressante à un qu’il nommoit Albian Camar,
Editue (page 269).
maistre éditue de l’isle Sonnante, mais Panurge, le saluant , l’appella maistre Antitus. C’estoit un petit bon homme vieulx, chaulve, à museau bien enluminé, et face bien cramoisie. Il nous feit très-bon recueil par la recommandation de l'ermite, entendant qu'avions jeusné, comme dessus ha esté déclairé. Après avoir très-bien repu, nous exposa les singularités de l'isle, afflermant qu’elle avoit premièrement esté habitée par les Siticines, mais par ordonnance de nature (comme toutes choses varient), ils estoient devenus oiseaulx.
Là j'eus pleine intelligence de ce qu’Atteius Capilo, Pollux, Marcellus, A. Gellius, Athenæus, Suidas, Ammonius et aultres, avoient escript des Siticines, el difficile ne nous sembla croire les transmutations de Nyctimène, Progné, Itys, Alcmène, Antigone, Tereus, et aultres oiseaulx. Peu aussi de doubte feismes des enfants Macrobins convertis en cygnes, et des hommes de Pallène en Thrace, lesquels soubdain que par neuf fois se baignant au palud Tritonique, sont en oiseaulx transformés. Depuis aultres propos ne nous tint que de cages et d’oiseaulx. Les cages estoient grandes,
riches, sumptueuses, et faictes par merveilleuse architeclure.
Les oiseaulx estoient grands, beaulx et polis à l'advenant, ressemblants és hommes de ma patrie; buvoient et mangeoient comme hommes, esmeutissoient comme hommes, enduisoient comme hommes, pedoient, dormoient, parioient et roussinoient comme hommes : bref, à les voir de prime face , eussiez dict que fussent hommes; hommes toutesfois n’estoient mie, selon l'instruction de maistre éditue, nous protestant qu'ils n’estoient ni séculiers, ni mondains. Aussi leur pennage nous mettoit en resverie, lequel aulcuns avoient tout blanc, aultres tout noir, aultres tout gris, aultres miparti de blanc et noir, aultres tout rouge, aultres parti de blanc et bleu: c’estoit belle chose de les voir. Les masles il nommoit clergaux, monagaux, presbtregaux, abbégaux, évesgaux, cardingaux, et papegaut, qui est unique en son espèce. Les femelles il nommoit clergesses, monagesses, presbtregesses, abbegesses, évesgesses, cardingesses, papegesses. « Tout ainsi toutesfois, nous dist-il, comme entre les abeilles hantent les freslons, qui rien ne font,
270 CHEFS-D'OŒEUVRE EUROPÉENS.
fors tout manger et tout gaster : aussi, depuis trois cents ans, ne sçai comment entre ces joyeux oiseaulx estoit, par chascune quinte lune, advolé grand nombre de cagots, lesquels avoient honni et conchié toute l'isle, tant hideux et monstrueux, que de touts estoient refuis. Car touts avoient le col tors, les pates pelues, les gryphes et le ventre de harpies et les culs de stymphalides; et n’estoit possible de les exterminer : pour un mort en advoloit vingt-quatre. » J'y soubhaitois quelque second Hercules, pource que frère Jean y perdit les sens par véhémente contemplation , et à Pantagruel advint ce qu’estoit advenu à messer Priapus, contemplant les sacritices de Ceres, par faulte de peau.
