CHAPITRE lil

Comment en l’isle Sonnante n’est qu'un papegaut,

Lors demandasmes à maistre éditue, vu la multiplication de ces vénérables oiseaulx en toutes leurs aultres espèces, pourquoi là n’estoit qu'un papegaut? Il nous respondit que telle esloit l'institution prémière et fatale destinée des estoilles ; que des clergaux naïssent les presbtregaux et monagaux, sans compagnie charnelle, comme se faict entre les abeilles d’un jeune taureau, accoustré selon l’art et practique d’Aristeus; des presbtregaux naissent les évesgaux, d'iceulx les beaulx cardingaux, et les cardingaux, si par mort n’estoient prévenus, finoient en papegaut : et n'en est ordinairement qu’un, comme par les ruches des abeilles n’y ha qu'un roi, et au monde n’est qu’un soleil. Icellui décédé, en naist un aultre en son lieu de toute la race des cardingaux, entendez tousjours sans copulation charnelle. De sorte qu’il y ha en ceste espèce unité individuable, avecques perpétuité de succession, ne plus ne moins qu'au phœnix d'Arabie, Vrai est qu'il y ha environ deux mille sept cents soixante lunes (1) que furent en nature deux papegaux produicts, mais ce fut la plus grande calamité quon vit onques en ceste isle. « Car, disoit édilue, touts ces oiseaulx ici se pillarent les uns les aultres, et s'entrepelaudarent si bien ce temps durant, que l'isle périclita d’estre spoliée de habitants. Part d'iceulx adhéroïit à un, et le soustenoit; part à l’aultre, et le deffendoit; demourarent part d'iceulx muts comme poissons et onques ne chantarent, et part de ces cloches comme interdicte coup ne sonna. Ce séditieux temps durant, à leur secours évoquarent empereurs, rois, ducs, marquis, comtes, barons et commumaultés du monde qui habitent en continent et terre ‘ferme, et n’eut fin ce schisme et ceste sédition, qu'un d’iceulx ne fust tollu de vie, et la pluralité réduicte en unité. »

Puis demandasmes qui mouvoit ces oiseaulx ainsi sans cesse chanter. Editue nous réspondit que c’estoïent les cloches pendentes au-dessus de leurs cages. Puis nous dist : « Voulez-vous que présentement je fasse chanter ces monagaux que voyez là bardocucullés d'une chausse d’hypocras, comme une alouette saulvage? — De gracel » respondismes-nous. Lors Sonna une cloche six coups seulement, et monagaux d accourrir, et monagaux de chanter. « Et si, dist Panurge, je Sonnois ceste cloche, feroi-je pareillement Chanter ceulx ici qui ont le plumage à couleur de haran soret? — Pareillement !» respondit Editue. Panurge Sonna, et soubdain accourrurent ces oiseaulx enfumés, et chantoient ensemblement ; mais ils avoient les VOIX rauques et mal plaisantes. Aussi nous remon-

Stra éditue qu'ils ne vivoient que de poisson, comme

(1) En 4380 ml le grand'schisme, entre Urbain VI

à Rome, et Clément VII à Avignon: il finit à la mort de ce dernier.

les hairons et cormorans du monde, el que c'estoit une quinte espèce de cagots, imprimés nouvellement. Adjousta d'advantage qu'il avoit eu advertissement par Robert Valbringue, qui par là n’agaires esloit passé d'Afrique, que bien-tost y debvoit advoler une sixiesme espèce, lesquels il nommoit capucingaux (1), plus tristes, plus manijaques, et plus fascheux qu'espèce qui ea fust en toute l'isle. « Afrique, dist Panta-

‘ gruel, est coustumière tousjours choses produire nou-

velles et monstrueuses. »