sorte que qui à touts part feroit de l'héritage (comme
raison le veult, nature l’ordonne, et Dieu le commande), la maison seroit dissipée; c’est l’occasion pourquoi les parents s'en déchargent en ceste isle, mesmement s'ils ont des appanages de l'isle Bossard. — C'est, dist Panurge, l’isle Bouchard lés Chinon. — Je dis Bossard, respondit éditue, car ordinairement ils sont bossus, borgnes, boiteux, manchots, podagres, contrefaicts et maléficiés, poids inutile de Ja terre. — C'est, dist Pantagruel, coustume du tout contraire és institutions jadis observées en la réception des pucelles vestales, par lesquelles, comme atteste Labeo Antistius, estoit deffendu à ceste dignité eslire fille qui eust vice aulcun en l’ame, ou en ses sens diminution, ou en son corps tache quelconque , tant fust occulte el petite. — Je m'esbahi, dist éditue continuant, si les mères de par-delà les portent neuf mois en leurs flancs, vu qu'en leurs maisons elles ne les peuvent porter ne patir neuf ans, non pas sept le plus souvent, et leur mettants une chemise seulement sus la robe, et sus le sommet de la teste leur coupant je ne scai quants cheveulx, avecques certaines paroles apotropées et expiatoires (comme entre les Egyptiens par certaines linostolies et rasures estoient créés les isiaques), visiblement, apertement, manifestement par métempsychose pythagorique, sans lésion ne blessure aulcune, les font oiseaulx tels devenir, que présentement les voyez. Ne sçai toutesfoïs, beaulx amis, que peut estre, ne d'ond vient a les femelles, soient clergesses, monagesses ou abbegesses, ne chantent motets plaisants et charistères, comme on souloil faire à Oromasis, par l'institution de Zoroaster, mais catarates et scythropes (3), comme on faisoit au démon Arimanian : et font continuelles dévotions (4) de leurs parents et amis, qui en oiseaulx les transformarent, je di aultant jeunes que vieilles. ;
« Plus grand nombre nous en vient de Jour sans-
(1) En effet, les capucins ne furent établis qu’en 1525.
(2) Trop de gens de la même espèce, ali tales. C'est peut-être aussi frop d’otieux, de fainéants.
(3) Kataratos, maudit. — Skuthrôpos, austère. (4) Dévotions de signifie ici malédictions contre.
pain, qui est excessivement long. Car les Asaphis, habitants d'icelle contrée, quand sont en danger de patir malésuade famine, par non avoir de quoi soi alimenter, et ne sçavoir ne vouloir rien faire, ne travailler en quelque honeste art et mestier, ne aussi féablement à gens de bien soi asservir; ceux aussi qui n’ont pu jouir de leurs amours, qui ne sont parvenus à leurs entreprinses et sont désespérés ; ceulx pareillement qui meschantement ont commis quelque cas de crime, et lesquels on cherche pour à mort ignominieusement mettre, tous advolent ici : ici ont leur vie assignée, soubdain deviennent gras comme glirons, qui par avant estoient maigres comme pics, ici ont parfaile seureté, indemnité et franchise.
.. Mais, demandoiït Pantagruel, ces beaulx oiseaulx, ici une fois advolés, retournent-ils plus jamais au monde où ils furent ponnus? — Quelques-uns, respondit éditue ; jadis bien peu, mais à tort el regret. Depuis certaines éclipses (1), s’en est revolé une grande mouée, par vertus des constellations célestes. Cela de rien ne nous mélancholie, le demourant n’en ha.que plus grande pitance. Ettouts, avant que revoler, ont leur pennage laissé parmi ces orties et espines. »
Nous en trouvasmes quelques-uns réalement, et en recherchant d’adventure rencontrasmes un pot aulx roses descouvert.
