CHAPITRE XVII

Comment nous passasmes Oultre {1},

Sus l'instant nous prismes la route d'Oultre, et con

tasmes nos adventures à Pantagruel (2j, qui en eut

(1) C'est le pays.des gourmands oultrés, c'est-à-dire erevant de graisse. Le titre des anciennes éditions porte et comment Panurge y faillit d’estre tué. On voit par là que ce chapitre, qui est très court, a été laissé incomplet, ou que la fin s'en est perdue.

(2) Celles du pays des Chats-fourrés, où Pantagruel n’a-

vait point voulu descendre, et qui n’ont pas encore pu lui être racontées, à cause du siroch (p. 280), |

commisération bien grande, et en feit quelques élégies par passe-lemps. Là arrivés nous refraischismes un peu, et puisasmes eau fraische, prismes aussi du bois pour nos munitions. Et nous sembloient les gents du pays à leur physionomie bons compagnons, et de bonne chère. Ils estoient touts oultrés, et touts peloient de graisse; et en apperceusmes (ce que n’avois encores vu és aullres pays) qui deschiquetoient leur peau pour y faire bouffer la graisse, ne plus ne moins que les salebrenaux de ma patrie descoupent le hault de leurs chausses pour y faire bouffer le laffetas. Et disoient ce ne faire pour gloire et ostentation, mais aultrement ne pouvoir en leur peau. Ce faisants aussi plus soubdain devenoient grands, comime les jardiniers incisent la peau des jeusnes arbres, pour plustosi les faire croistre. Près le havre estoit un cabaret, beau el magnifique en extérieure apparence, auquel accourrir voyants nombre grand de peuple oultré, de touts sexes, toutes ages et touts estats, pensions que là fust quelque notable festin et banquel. Maïs nous fut dict qu'ils estoient invités aulx crevailles de l’'hoste, et y alloient en diligence, proches, parents et alliés. N’entendants ce jargon, et estimants qu'en icellui pays festin on nommast crevailles, comme deça nous appellons affiançailles, espousailles, relevailles, londailles, mestivailles, fusmes advertis que l'hoste en son temps avoit esté bon raillard, grand grignoteur, beau man-

geur de souppes lyonnoises, notable compteur d'hor-

loge, éternellement disnant comme l'hoste de Rouillac ; et, ayant ja par dix ans pété graisse en abundance, estoit venu en ses crevailles, et selon l'usance du pays, finoit ses jours en crevant, plus ne povant le péritoine et peau, ja par tant, lant d'années deschiquetée, clore et retenir ses trippes qu'elles n'enfondrassent par dehors, comme d'un tonneau deffoncé. « Et quoi, dist Panurge, bonnes gents, ne lui sçauriez-vous bien à “poinct, avec bonnes grosses sangles ou bons gros cercles de cormier, voire de fer, si besoin est, le ventre relier ? ainsi lié ne jecteroit si aisément ses fonds hors, el si tost ne creveroit. »

Ceste parole n’estoit achevée, quand nous éntendismes en l’aer un son hault et strident, comme si quelque gros chesne esclattoit en deux pièces ; lors feut dict par les voisins, que les crevailles estoient faictes, et que cestui esclat estoit le ped de la mort. Là me soubvint du vénérable abbé de Castiliers, celui qui ne daignoit biscoter ses chambrières, nisi in pontificalibus ; lequel, importuné de ses parents et amis de résigner sur ses-vieulx jours son abbaye, dist et protesta que poinct ne se despouilleroit devant soi coucher ; et que le dernier ped que feroit sa paternité, seroit un ped d’abbé.