CHAPITRE XIX
Comment nous arrivasmes au royaulme de la Quinte- Essence, nommée Entéléchie {1}.
Ayants prudemment costoyé le tourbillon par l'espace d’un demi jour, au troisiesme suivant nous sembla l’aer plus serein que de coustume; et en bon saulvement descendismes au port de Matéotechne (2), peu distant du palais de la Quinte-Essence. Descendant au port, trouvasmes en barbe grand nombre d’archers et gents de guerre, lesquels gardoient l’arsenac : de prime arrivée ils nous feirent quasi paour. Car ils nous feirent à touts laisser nos armes, et roguement nous interroguarent, disants : « Compères, de quels pays est la venue ? — Cousin, respondit Panurge, nous sommes Tourangeaux. Ores venons de France, convoiteux de faire révérence à la Dame Quinte-Essence, et visiter ce très-célèbre royaulme d'Entéléchie. — Que dictesvous, interroguent ils? dictes-vous Entéléchie, ou Endéléchie ? — Beaulx cousins, respondit Panurge, nous sommes gents simples et idiots, excusez la rusticité de nostre language, car au demourant les cœurs
(1) En grec Perfection : ce chapitre contient la critique de l'alchimie et de la métaphysique.
(2) Science vaine, du grec mataïios et techné,
Ce sont les plus rebarbatifs villains, à les voir, que j'aie jamais apperceu [page 282].
son! francs etloyaulx.—-Sans cause, dirent-ils, nous ne vous avons sus ce différent interrogués. Car grand nombre d'aultres ont ici passé de vostre pays de Touraine, lesquels nous sembloient bons lourdaux, et parloient correct; mais d'aultres pays sont ici venus ne sçavons quels oultrecuidés, fiers comme Escossois, qui contre nous à l'entrée vouloient obstinément contester : ils ont été bien frottés, quoi qu'ils montrassent visage rebarbatif. En vostre monde avez-vous si grande superfluité de temps, que ne sçavez en quoi l'employer, fors ainsi de nostre dame reine parler, disputer, et imprudentement escripre ? Il estoit bien besoing que Ciceron abandounast sa République pour s'en empescher, et Diogenes Laërtius, et Theodorus Gaza, et Argyrophile, et Bessarion, el Politian, etBudé, et Lascaris, et touts les diables de sages fols : le nombre desquels n'estoit assez grand, s’il n'eust esté récentement accreu par Scaliger, Bigot, Chambrier, François Fleury et ne sçai quels aullres tels jeunes haires esmouchetés. Leur mal-angine, qui leur suffoquast le gorgeron avec l'épiglottide. Nous les... Mais quoi, diantre... —Il: flattent les diables, disoit Panurge entre les dents. — Vous ici n'estes venus pour en leur folie les soustenir, et de ce n'avez procuration, plus aussi d’iceulx ne parlerons. Aristoteles, prime homme, et paragon de toute philosophie, fut parrin de nostre dame reine : il, trèsbien et proprement, la nomma Entéléchie. Entéléchie est son vrai nom : s’en aille chier, qui aultrement la nomme. Qui aultrement la nomme, erre par tout le ciel. Vous soyez les très-bien venus. »
Ils nous présentarent l'accollade; nous en fusmes
touts resjouis. Panurge me dist en l'aureille : « Compagnon, as-tu rien eu paour de ceste dernière boutée? — Quelque peu, respondi-je. — J'en ai, dist-il, plus eu que jadis n'eurent les soudars d'Ephraïm, quand par les Galaadites feurent occis et noyés pour en lieu de Schibboleth dire Sibboleth. Et n’y ha homme, protonolaire en Beauce, qui ne m'eust avecques une charretée de foin estouppé le trou de mon cul. »
Depuis nous mena le capitaine au palais de la reine en silence et grandes cérimonies. Pantagruel lui vouloit tenir quelques propos : mais ne pouvant monter si hault qu'il estoit, soubhaïtoit une eschelle, ou des eschasses bien grandes. Puis dist: « Baste, si nostre dame la reine vouloit, nous serions aussi grands comme vous. Ce sera quand il lui plaira. »
Par les premières galleries rencontrasmes grand tourbe de gents malades, lesquels esloient installés diversement, selon la diversité des maladies : les ladres à part, les empoisonnés en un lieu, les pestiférés ailleurs, les vérolés on premier rang ; ainsi de touts les aultres.
