CHAPITRE XX VI. o

Comment nous descendismes en l’isle d’Odes , en laquelle les chemins cheminent

Avoir par deux jours navigé, s'offrit à nostre vue l'isle d’Odes (3), en laquelle vismes une chose mémorable. Les chemins sont animaulx, si vraie est la sentence d’Aristote, disant argument invincible d'un animant, s’il se meut de soi-mesme. Car les chemins cheminent comme animaulx; et sont les uns chemins errants à la semblance des planètes; aultres chemins passants, chemins croisants, chemins traversants. Et vid que les voyagiers, servants et habitants du pays demandoient : « Où va ce chemin ? et cestui-ci ? » On leur respondoit : « Entre midi et faverolles, à la paroece, à la ville, à la rivière. » Puis se guindants au chemin opportun, sans aultrement se poiner ou fatiguer, se trouvoient au lieu destiné : comme vous voyez advenir à ceulx qui de Lyon en Avignon et Arles se mettent en bateau sus le Rhosne. Et comme vous scavez qu'en toutes choses il y ha de la faulte, et rien n’est en touts endroictg heureux, aussi là nous fut dist estre une manière de gents, lesquels ils nommoient guetteurs de chemins, et batteurs de pavé: et les pauvres chemins les craignoient et s’esloignoient d’eulx comme des brigands. Ils les guettoient au pas sage comme on faict les loups à la trainée, et les beccasses au filet. Je vid un d’iceulx, lequel estoit appréhendé de la justice, pource qu'il avoit prins injustement, malgré Pallas, le chemin de l’eschole, c’estoit le plus long : un aultre se vantoit avoir prins de bonne guerre le plus court, disant lui estre tel advantage à ceste rencontre, que premier venoit à bout de son entreprinse, Aussi dist Carpalim à Epistemon, quelque jour le rencontrant, sa pissotière au poing, contre une muraille pissant, que plus ne s’esbahissoit si tousjours premier estoit au lever du bon Pantagruel, caril tenoit le plus court et le moins chevaulchant.

J'y recognu le grand chemin de Bourges, et le vid marcher à pas d’abbé, et le vid aussi fuir à la venue de quelques charretiers qui le menacoient fouler avecques les pieds de leurs chevaulx, et lui faire passer les charrettes dessus le ventre, comme Tullia feit passer son charriot dessus le ventre de son père Servius Tullius, sixiesme roi des Romains. J'y recognu pareillement le vieulx quemin (4) de Peronne à Sainct Quentin, et me sembloit quemin de bien de sa personne. J'y recognu entre les rochers le bon vieulx chemin de la Ferrate monté sur un grand ours (5). Le voyant de loing, me soubvint de sainct Hiérome en paincture, si son ours eust esté lion : car il estoit tout mortifié, avoit la longue barbe toute blanche et mal peignée : vous eussiez proprement dict que fussent glacons; avoit sus soi force grosses patenostres de pinastre mal rabotées, et estoit comme à genoillons et non debout, ne couché du tout, et se battoit la poictrine avecques grosses et rudes pierres, il nous feit

(4) Les disciples de Michel Geber, alchimiste du vire siècle, (2) De trois quartiers de lune, vingt et un jours.

(3) Hodos en grec veut dire chemin. Ne semblerait-il pas que Rabelais avait prévu les rail-ways ?

(4) En patois picard, quemin pour chemin.

(5) Chemin qui coupe la montagne du Grand-Ours, sur la route de Tours à Limoges.

NF) DIR

ÿ, LL”

aa

di

Puis furent introduicts les empoisonnés; elle leur sonna une aultre chanson (page 286).

paour et pitié ensemble: Le regardants, nous tirä à part un bachelier courant (1) du pays,et monstrant un chemin bien licé, tout blanc, et quelque peu feustré de paille, nous dist : « D'oresenavant ne desprisez l'opinion de Thales milésien , disant l'eau estre de toutes choses le commencement ; ne la sentence d'Homère, affermant toutes choses prendre naissance de l'Océan. Ce chemin que voyez, nasquit d'eau, et s'y en retournera : davant deux mois les bateaulx par ci passoient, à ceste heure y passent les charrettes. — Vraiement, dist Pantagruel, vous nous la baillez bien piteuse! En nostre monde nous en voyons tous les ans de pareille transformation, cinq cents et d'advantage. »

Puis, considérants les allures de ces chemins mouvants, nous dist que, selon son jugement . Philolaüs et Aristarchus avoient en ceste isle philosophé ; Seleucus prins opinion d'affermer la terre véritablement autour des poles se mouvoir, nou le ciel, encores qu'il pous semble le contraire estre vérité : comme, eslants sus la rivière de Loire, nous sembloient les arbres prochains se mouvoir, toutesfois ils ne se meuvent: mais nous par le decours du basteau. Retournants à nos navires, veismes que près du rivage on mettoit sus la roue trois guetteurs de chemins qui avoient eslé prins en embuscade, et brusloit on à pelit feu un grand paillard, lequel avoit battu un chemin, et lui avoit rompu une coste , et nous fut dict que c’estoit le chemin des aggères et levées du Nil en Egypte (2).

(4) C’est un canal pris par la glace.

(2) Ce chapitre se termine ainsi dans le manuscrit : « Là d'advantage nous fut dict que Panigou, sus ses derniers