CHAPITRE XXXI

Comment , on pays de Satin, nous vismes Ouï-dire, tenant eschole de tesmoignerie.

Passants quelque peu avant en pays de Tapisserie, vismes la mer Méditerranée ouverte et descouverte jusques aux abysmes, tout ainsi comme on golphe Arabic se descouvroit la mer Erythrée, pour faire chemin aux Juifs issants d'Egypte. Là je recognu Triton sonnant de sa grosse conche, Glauque, Protée, Nerée et mille aultres dieux et monstres marins. Vismes aussi nombre infini de poissons en espèces diverses, dansants, volants, voltigeants, combattants, mangeants, respirants, belutants, chassants, dressanis escarmouches, faisants embuscade, composants trèves, marchandants, jouants , s’esbattants. En un coin là près vismes Aristoteles tenant une lanterne, en semblable contenance que l’on painct l'ermite près sainct Christophle , espiant , considérant , le tout rédigeant par escript. Derrière lui estoient comme records de sergents plusieurs aultres philosophes, Appianus, Héliodorus, Athenæus, Porphyrius, Pancrates arcadian, Numenius, Possidonius, Ovidius, Oppianus, Olympius, Seleucus, Leonides, Agathocles, Theophraste, Damostrate, Mutianus, Nymphodorus, Elianus, cinq cents aultres, gents aussi de loisir, comme fut Chrysippus ou Aristarchus de Sole, lequel demoura Cinquante huict ans à contempler l’estat des abeilles, sans aultre chose faire. Entr'iceulx j'y advisai Pierre Gilles (4), lequel tenoit un urinal en main,

(1) Naturaliste, d’Alby, mort en 1555.

FRANÇOIS RABÉLAIS. 299

considérant en profonde contemplation l'urine de ces beaulx poissons.

Avoir longuement considéré ce pays de Satin, Pantagruel dist : « J'aiici longuement repu mes yeulx, mais je ne m'en sens en rien plus séant; mon estomach brame de male rage de faim : repaissons, repaissons, di-je, el tastons de ces anacampserotes (1) qui pendent là dessus. — Fi, ce n’estrien qui vaille !»

Je doncques prins quelques myrobalaus qui pendoient à un bout de tapisserie : mais je ne les pus mascher ni avaler, et les goustant eussiez proprement dict et juré, que fust soie retorse, ét n'avoient saveur aulcune. On penseroit qu'Heliogabalus là eust prins, comme transsumpt de bulle (2), forme de festoyer ceulx qu'il avoit long-temps faict jeuner, leur promettant en fin. banquet saumptueux, abundant, impérial : puis les paissoit de viendes en cire, en marbre, en poterie, en paincture et nappes figurées.

Gherchants doncques par ledict pays si viendes aulcunes trouverions, entendismes un bruit strident et divers, comme si fussent femmes lavants la buée, ou traquets de moulins du Bazacle lés Tholoze : sans plus séjourner, nous transportasmes on lieu où c’estoit, et vismes un petit vieillard bossu , contrefaict et monstrueux. On le nommoit Oui-dire : il avoit la gueule fendue jusques aux aureilles, dedans la gueule sept langues , ou la langne fendue en sept parties : quoi que ce fust, de toutes sept ensembl ment parloit divers propos et langages divers ; avoit aussi parmi la testé et le reste du corps aultant d’aureilles comme jadis eut Argus d'yeulx; au reste estoit aveugle, et paralytique des jambes. Autour de lui je vid nombre incroyable d'hommes et de femmes escoutants et attentifs, et en recognu aulcuns parmi la trouppe faisants bons minois, d'entre lesquels un pour lors tenoit une mappemonde, et la leur exposoit sommairement par petits aphorismes, et y devenoient clercs et sçavants en peu d'heures ; et parloient de choses prodigieuses élégamment et par bonne mémoire : pour la centiesme partie desquelles sçavoir ne suffiroit la vie de l'homme : des pyramides du Nil, de Babylone, des Troglodytes, des Himantopodes, des Blemmyes, des Pygmées, des Canibales, des monts Hyperborées, dés Egipanes, de touts les diables, et tout par Ouï-dire. Là je vid, selon mon advis, Herodote, Pline, Solin, Berose, Philostrate, Mela, Strabo, et tant d’aultres antiques : plus Albert le jacobin grand, Pierre !esmoing (3), pape Pie Second, Volaterran, Paulo Jovio le vaillant homme , Jacques Cartier, Chaïton arménian, Marc Paule vénitien, Ludovic romain, Pierre Alvarez, et ne sçai combien d'aultres modernes historiens cachés derrière une pièce de tapisserie, en tar inois escripvant de belles besognes, et tout par Ouï-dire.

Derrière une pièce de velours figuré à feuilles de menthe (4), près d'Oui-dire, je vid nombre grand de Percherons et Manceaulx, bons estudianis, jeunes assez : et demandanis en quelle faculté ils appliquoient leurestude. entendismes que là de jeunesse ils apprenoient à estre lesmoings, et en cestui art profictoient si bien que, parlants du lieu et retournés en leur province, vivoient honestemént du mestier de tesmoignerie, rendants seur tesmoignage de toutes choses à ceulx qui plus donnoient par journée, et tout par Ouïdire. Dictes-.n ce que vouldrez, mais ils nous donnarent de leurs chanteaulx, et busmes à leurs barils à bonne chère. Puis nous advertirent cordialement, qu'eussions à espargner vérité, tant que possible nous seroit, Si voulions parvenir en court de grands seigneurs.

(1) Herbe qui, selon son nom grec, aurait la faculté de ranimer l’amour éteint.

(2) Comme extrait ou seconde édition.

(3) Pierre Martyr d’Angiera, auteur d’une des premières descriptious de l'Amérique.

(4)deux de mots sur menthe et mentir.