CHAPITRE XXXIV
Jomment nous arrivasmes à l’oracle de la Bouteille.
Nostre noble lanterne nous esclairant, etconduisant en toute joyeuseté, arrivasmes en l'isle désirée, en laquelle estoit l’oracle de la Bouteille. Descendant Panurge en terre feit sus un pied la gambade en l'aer gaillardement, et dist à Pantagruel : « Aujourd'hui avons-nous ce que cherchons avecques fatigues et labeurs tant divers. » Puis se recommanda courtoisement à nostre lanterne. Icelle nous commanda tout bien espérer, et quelque chose qui nous apparust, n’estre aulcunement effrayés. Approchants au temple de la dive Bouteille , nous convenoit passer parmi ungrand vignoble faict de toutes espèces de vignes, comme malerne, malvoisie, muscadet, tage, beaulne, mirevaulx, orléans, picardent , arbois, coussi, anjou, grave, corsique, verron, nerac et aultres. Le dict vignoble fut jadis par le bon Bacchus planté avecques telle bénédiction, que touts temps il portoit feuille, fleur et fruict,
comme les orangers de San-Remo (1). Nostre lanterne magnifique nous commande manger trois raisins par homme, mettre du pampre en nos souliers, et prendre une branche verde en main gausche. Au bout du vignoble passasmes dessoubs un arc antique, onquel estoit Le trophée d’un buveur bien mignonnement insculpé : sçavoir est, en un bien long ordre de flacons, bourraches, bouteilles, fioles, ferrières, barils, barreaulx, bomides, pots, pintes, cymaises antiques pendentes d'une treille umbrageuse. En aultre, grande quantité d'ails, oignons, eschalottes, jambons, boutargues , parodelles, langues de bœuf fumées, formages vieulx, et semblables confictures entrelacées de pampre, et ensemble par grande industrie fagottées avecques des ceps. En aultre, cent formes de verres à pied, et verres à cheval, cuveaulx, retombes, hanaps, breusses , jadeaulx, salvernes, tasses, goubelets et telle semblable artillerie bacchique. En la face de l'arc, dessoubs le zoophore, estoient ces deux vers inscripts :
Passant ici ceste poterne, Garni-toi de bonne lanterne.
« À cela, dist Pantagruel, avons-nous pourvu. Car ‘en toute la région de Lanternois, n'y ha lanterne meilleure et plus divine que la nostre. »
Cestui arc finissoit en une belle et ample tonnelle, toute faicte de ceps de vignes, ornés de raisins de cinq cents couleurs diver+es, et cinq cents diverses formes non naturelles, mais ainsi composées par art d'agriculture : jaulnes, bleus, tannés, azurés, blancs, noirs, verds, violets, riolés, piolés, longs, ronds, triangles, quarrés, couillonnés,couronnés, barbus, cabus, herbus. La fin d’icelleestoit close de trois antiques lierres, bien verdoyants ettouls chargés de bagues. Là nous commanda nostre illustrissime lanterne, de celierre chascun de nousse faire un chapeau albanois, et s’en couvrir loute la teste. Ce que fut faictsans demoure. » Dessoubs, distlors Pantagruel, ceste treille, n'eustausé jadis passer la pontife de Jupiter. — La raison, dist nostre préclare lanterne, estoit mystique. Car y passant auroit le vin, ce sont les raisins, au-dessus de la teste, et sembleroit estre comme maistrisée, et dominée du vin, pour siguifier que les pontifes, et touts personnages, qui s’'addonnent et dédient à contemplation des choses divines, doibvent en tranquillité leurs esperits maintenir, hors toute perturbation de sens : laquelle plus est manifestée en ivrognerie, qu’en aultre passion, quelle que soit. Vous pareillement on temple ne seriez receus de la dive Bouteille, estant par ci dessoubs passés, sinon que Bacbuc, la noble pontife, vist de pampre vos soliers pleins, qui est acte, du tout et par entiers diamètres, contraire au premier, etsignification évidente, que le vin vous est en mespris, el par vous conculqué et subjugué. — Je, dist frère Jean, ne suis point clere, dont me desplaist; mais je trouve dedans mon bréviaire, qu'en la Révélation, fut, comme chose admirable, vue une femme, ayant la lune soubs ses pieds, c'estoit comme m’ha exposé Bigot (2), pour signifier qu’elle n’estoit de la nature des aultres qui toutes ont à rebours la lune en teste, et par conséquent le cerveau tousjours lunatique : cela m'induict facilement à «croire ce que dictes, madame lanterne m'amie. »
