IV.— Des fruicts et biens croissants de terre

Je trouve par les calcules d’Albumasar, on livre de la grande conjunction et ailleurs, que ceste année sera bien fertile avecques planté de touts biens à ceulx qui auront de quoi. Mais le hobelon de Picardie craindra quelque peu la froidure, l’avoine fera grand bien és Chevaulx ; ilne sera gaires plus de lard que de pourceaulx , à cause de Posces ascendant. [1 sera grand’année de caquerolles. Mercure menace quelque peu le persil, mais ce non-obstant il sera à prix raisonnable. Le soulsi et l’ancolie croistront plus que. de coustume, avecques abundance de poires d'angoisse. De bleds, de vins, de fruictages etlégumages, on n’en vidonques tant, si les soubhaits des pauvres gents sont ouis.