CHAPITRE XVI

Comment Gargantua fut envoyé à Paris, et de l'énorme jument qui le porta, et comment elle deffeit les mouches bovines de la Beauce.

En cette mesme saison, Fayoles, quart roi de Numidie, envoya du pays de Afrique à Grandgousier une jument la plus énorme et la plus grande que fut onques vue, et la plus monrsirueuse : comme assez savez, que Afrique apporte tousjours quelque chose de nouveau. Car elle estoit grande comme six oriflans, et avoit les pieds fendus en doigts, comme le cheval de Jules Cesar, les aureilles ainsi pendentes, comme les chèvres de Languegoth, et une petite corne au cul. Au reste, avoit poil d'alezan toustade, entreillizé de grises pommelettes. Mais sus tout avoit la queue horrible. Car elle estoit poi plus poi moins grosse comme la pile sainct Mars auprès de Langes, et ainsi quarrée, avec-

oo, oo mm

ques les brancars ne plus ne moins ennicrochés, que sont les espics au bled.

Si de ce vous esmerveillez : esmerveillez-vous d'advantage de la queue des beliers de Scythie, que pesoit plus de trente livres, et des moutons de Surie, esquels fault, si Tenaud dict vrai (4),affuster une charrette au cul, pour la porter, tant elle est longue et pesante. Vous ne l'avez pas telle, vous aultres paillarts de plat pays. Et fut amenée par mer en trois Carraques et un brigantin, jusques au port de Olone en Talmondois. Lors que Grandgousier la vit, « Voici, dist-il, bien le cas pour porter mon fils à Paris. Or ça, de par Dieu, tout ira bien. Il sera grand clerc au temps advenir. Si n’estoient messieurs les bestes, nous vivrions comme clercs » (2).

Au lendemain, après boire (comme entendez), prindrent chemin, Gargantua, son précepteur Ponocrates et ses gents : ensemble eulx Kudemon le jeune page. Et parce que c'estoit en temps serein et bien attrempé, son père lui feit faire des bottes faulves ; Babin (3) les nomme brodequins. Ainsi joyeusement passarent leur grand chemin ; et tousjours grand chère, Jusques au dessus d'Orléans. Auquel lieu estoit une ample forest de la longueur de trente et cinq lieues, et de largeur dix et sept, ou environ. Icelle estoit horriblement fertile et copieuse en mousches bovines et freslons, de sorte que c'estoit une vraie briganderie pour les pauvres juments, asnes et chevaulx. Mais la jument de Gargantua vengea honestement touts les oultrages en icelle perpétrés sur les bestes de son espèce, par un tour duquel ne se doubtoient mie. Car soubdain qu’ils furent entrés en la dictie forest, et que les freslons lui eurent livré l'assaut, elle desgaina sa queue, et si bien s’escarmouchant, les esmoucha, qu'elle en abatlit tout le bois : à tords, à travers, de ça, de là, par ci, par là, de long, de large, dessus,

dessoubs , abattoit bois: comme un fauscheur faict

d'herbes. En sorte que depuis n’y eut ne bois ne freslons : mais fut tout le pays réduict en campagne. Quoi voyant, Gargantua, y print plaisir bien grand, sans aultrement s’en vanter, et dist à ses gens : « Je trouve beau ce. » D'ond fut depuis appellé ce pays là Beauce. Maïs tout leur desjeuner fut par baisler. En mémoire de quoi encores de présent les gentils hommes de Beauce desjeunent de baisler et s’en trouvent fort bien, et n’en crachent que mieulx.

Finablement arrivarent à Paris : onquel lieu se refraischit deux ou trois jours, faisant chère lie avecques ses gents, et s’'enquestant quels gents sçavants estoient pour lors en la ville, et quel vin on y buvoit.